ترکیه نینگ ناتوده‌گی ایلچیسی باسط اوزتُرک نینگ ایتیشیچه، مذکور مملکت میزبانلیک قیله‌دیگن ییغین، دوحه ده تینچلیک سوزلشوولری نینگ بیتیروچیسی دیر. جناب اوزتُرک خلق‌ارا خبرچی لیلما سدید بیلن اوتکزگن سوزلشووده بونده‌ی بیانات بیرگن. اونگه کوره، مذکور ییغین باشقه نیچه کون گچه ترکیه نینگ استانبول شهری ده یولگه قوییلیشی ممکن. جناب اوزتُرک نینگ ایتیشیچه، بو ییغین افغانستان یشاوچیلری اوچون یخشی نتیجه بیریشی توغریسیده امید بیلدیره‌دی.
باسط اوزتُرک نینگ ایتیشیچه: ترکیه میزبانلیک قیله‌دیگن ییغین دوحه سوزلشوولری نینگ بیتیروچیسی بولیشی ممکن و بیزلر هر دایم افغانستان یشاوچیلری رهبرلیگیده بولگن تینچلیک سوزلشوولری گه طرفدار بولگن‌میز. اولرگه هر یول آرقه‌لی یاردم بیریش بیزلرنینگ وظیفه‌میز دیر و بو خارق‌العاده بیر نرسه ایمس. افغانستان اهالیسی، دنیا جماعه‌چیلیگی و شونینگدیک آمریکا مذکور ییغین دن میزبانلیک قیلیشی‌میزنی ایسته‌دی.»
ترکیه نینگ ناتوده‌گی ایلچیسی نینگ ایتیشیچه، استانبول ییغینیده منطقه و خلق‌ارا اویینچی‌لر چقیریلگن و اولر بو ییرده حضور کیلتیریش‌لری ممکن. بو ییغین بیرلشگن ملتلر تشکیلاتی، ترکیه، آمریکا و قطر نینگ همکارلیگی بیلن یولگه قوییله‌دی. جناب اوزتُرک که کوره، بو افغانستان رهبرلری نینگ وظیفه‌سی دیر کیم سیاسی بیر کیلیشوو گه قول تاپیش و بو پروسه‌دن حمایت قیلیش‌لرینی کورسه‌تیش‌لری کیره‌ک.
اونگه کوره: «استانبول ییغینی دوحه ده یولگه قوییلگن ییغین نینگ دوامی بولیشی ممکن، لیکن بیزلر بو ییغین نی افغانستان یشاوچیلری اوچون یخشی نتیجه بیریشی گه امید بیلدیره‌میز.»
باسط اوزتُرک که کوره، افغانستان تینچلیگی و برقرارلیگی اقتصادی و سوداگرلیک اینیقسه سوداگرلیک انتقالات نقطه‌ی نظر دن بوتون آسیا و منطقه اوچون اونملی دیر. باشقه بیرتاماندن اونینگ ایتیشیچه، استانبول ییغینی ده ایران و پاکستان نینگ نقشی کوپ اونملی دیر. اونگه کوره، ایران و پاکستان افغانستان نینگ کوپ اونملی قوشنی‌لری دیر «بونگه شبهه‌میز یوق کیم پاکستان و ایران هم بو پروسه‌دن حمایت قیله‌دی و اولر هم افغانستان نی تینچ کوریش نی ایسته‌یدی؛ بوتون منطقه آسیا یوره‌گیده بونده‌ی بیر افغانستان کوریش نی ایسته‌یدی.»
مذکور ترکیه رسمی‌سیگه کوره، افغانستان یشاوچیلری مملکت‌لری نینگ کیله‌جگی توغریسیده نهایی قرار آلیش‌لری کیره‌ک. اونینگ ایتیشیچه، هیچ بیر مملکت افغانستان یشاوچیلری بویین‌لریگه بیر نرسه نی زوردن قوییش اوچون حرکت قیلمه‌سی کیره‌ک. اونینگ کوپه‌یتیریشیچه، اولر بو ییغینده یالغیز بیر میزبان دیر و بو ییغیندن کوپراق توقع کوتیب توریلمه‌سی کیره‌ک.
«برچه افغانستان یشاوچیلری و رهبرلری بو توغریده جدی اراده و قاطعیت کورسه‌تیب و جدی بیر قرار آلیش‌لری کیره‌ک.»
باسط اوزتُرک ترکیه حربی‌لری، کیسکین حمایوی کوچلر مأموریتی نینگ چوکاتی ده افغانستان ده حضوری توغریسیده ایتیشیچه، مذکور حربیلر هیچ قچان اوروش کوچلری صفتیده افغانستان ده قوللنمه‌یدی. اونگه کوره، بو بیرینچی مسأله دیر کیم ایتیشی کیره‌ک و افغانستان اهالیسی هم بونینگ بیلیشی کیره‌ک.
او بو توغریده ایتیشیچه: «بیزلر برچه افغانستان یشاوچیلری، ناتو بیرلشیک‌لری و دنیا گه آچیق کورستگن‌میز کیم بیزلر افغانستان حربی‌لریگه یالغیز یاردم بیریش و مصلحت بیریش اوچون همکارلیک قیله‌میز. بیزلر افغانستان قیته قوریلیشی اوچون بو مملکتده‌میز. او ییرده بیر میلیارد دالر دن آرتیق خره‌جت قیلگن‌میز. شونینگدیک مکتب، کسلخانه، یول، کوپریک و باشقه نرسه‌لر قورگن‌میز و بو افغانستان کیله‌جگی اوچون بیر سرمایه یاتقزیش دیر و بو نظر گه آلینیشی کیره‌ک.»
اونینگ اورغولشیچه، افغانستان ده ترکیه حربی‌لری نینگ نقشی توغری درک قیلینشی کیره‌ک و بو مملکت کیسکین حمایوی کوچلرنینگ بیر بولیمی دیر.
افغانستان تینچلیگی توغریسیده استانبول ییغینی یقیین کیله‌جکده یولگه قوییلیشی گه قرار قیلینگن. گرچند مذکور ییغین یولگه قوییلیشی نینگ تاریخی بیللی بولمه‌گن، بیراق بوندن آلدین اوشبو ییغین ۱۶- جاری میلادی آی گه یولگه قوییلیشی بیلدیریلگن ایدی.
ایتیلیشیچه، افغانستان دولتی تولیق قول بیلن استانبول ییغینی گه شرکت قیلیشی ممکن. ملی مصالحه عالی کینگش باشلیغی عبدالله عبدالله، بو ییغین نی افغانستان اوچون کوپ اونملی دیگن.
