ایران انسان حقوقی تشکیلاتی بیر گزارش ترقه‌تیش بیلن ایتیشیچه، افغانستان ده اسلام امیرلیگی نینگ قدرت گه ایریشگنی‌دن کیین، ایران ده افغانستان‌لیکلر نینگ اعدام بولیش پروسه‌سی کوپه‌یگن.
اوشبو گزارش اساسیده، اوچ ییل‌ده ایران قماقخانه‌لریده ۹۰دن آرتیق افغانستان‌لیک اعدام بولگن. مذکور تشکیلات نینگ کوپه‌یتیریشیچه، جاری میلادی ییل نینگ ۱۰ آیی‌ده ایران ده کمیده ۴۹ افغانستان‌لیک اعدام بولگن که اولردن ۱۳ ته‌سی نینگ حکمی اوشبو ییل اکتبر آیی‌ده تطبیق بولگن.
بیزلرنینگ «ایکس» ترماغی ده هم تعقیب قیلینگ!
حقوقی و خلق‌ارا رابطه‌لر بیلرمانی داوود مایار نینگ ایتیشیچه، تشقی یشاوچیلر نینگ اعدام بولیش دوسیه‌لرینی کوریب چیقیش‌ده شفافلیک اوچون، بو پروسه نینگ تیگیشلی ایلچی‌خانه‌لر آرقه‌لی نظارت بولیشی کیره‌ک.
اونینگ کوپه‌یتیریشیچه: «ایکینچی مملکت‌ده بیر کیشی اعدام بولگنی صورتده، شفافیلیک و نظارت اوچون تورلی یوللر بار، مثلا قنسولی علاقه‌لر یولی آرقه‌لی نظارت قیلیش امکانی بار. قیغو بیلن حاضرگی وضعیت‌ده بو توغریده شفافلیک یوق.»
حقوقی و جزایی ایش بیرلرمان حبیب صوفی نینگ ایتیشیچه، هر بیر مملکت اوز ایچکی قانونلری گه توجه قیلیش بیلن، باشقه مملکتلر نینگ متهم و مجرم یشاوچیلری بیلن قانونی یانده‌شه آله‌دی.
بیراق اونینگ کوپه‌یتیریشیچه، دیپلماتیک علاقه‌لر آرقه‌لی متهم کیشی نینگ اوز مملکتی گه انتقال بیریش زمینه‌سینی یره‌تیش ممکن که بو رقم، اوز مملکتی‌ده محاکمه قیلینسه. «دیپلماتیک نقطه‌ی نظری‌دن، باشقه بیر مملکت بیلن یخشی علاقه‌سی بولگنی صورتده، دوسیه‌لری تکشیریلیب و حکم صادر بولسه، کیین تبادله بولیشی ممکن. دیپلماتیک نقطه‌ی نظری‌دن ایشلنسه، متهم نینگ تبادله قیلینه آله‌دی.»
سرپرست حکومت ایران ده اعدام بولگن افغانستان‌لیکلر حقیده بیللی بیر شکلده هیچ بیر نرسه دیمه‌گن؛ بیراق اسلام امیرلیگی سوزلاوچیسی اورین‌باسری حمد‌الله فطرت نینگ ایتیشیچه، سرپرست حکومت ایران ده محبوس بولگن افغانستان‌لیکلر نینگ انتقال بیریش زمینه‌سی یره‌تیلیشی خصوصیده سعی‌وحرکت قیلماقده.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «ایران ده تورلی جرم‌لر گه عیبلنگن محبوسلر نی مملکت گه انتقال بیریلیشی خصوصیده ایران تامانی بیلن کیلیشماق اوچون سعی‌وحرکت قیلماقده‌میز. حاضرگچه ایران تامانلری همکارلیگی بیلن افغانستان گه تورت مینگ محبوس نینگ انتقال بیره آلدیک.»
گزارشلر اساسیده، حاضر ایران ده بیش میلیون افغانستان‌لیک حیات کیچیرماقده که اولردن کوپینچه‌سی ناقانونی شکلده اوشبو مملکت گه بارگن.
