هرات ولایتی کینگش اعضاسی غلام‌حبیب هاشمی نینگ سلام‌وطندارگه ایتیشیچه، بوگون توشدن آلدین طالبان نماینده‌لریدن قطاری بو گروه قومندان‌لریدن بیری ملاحیدر رهبرلیگیده، ۲۰۷ ظفر قول‌اردو قومندانلیگیده محمداسماعیل خان شامل امنیتی ییریک رسمیلر بیلن بیر ییغین اوتکزگن.
جناب هاشمی گه کوره، مذکور ییغینده ایچکی ایشلر وزیرلیگی نینگ امنیتی ییریک معینی عبدالرحمان رحمان، ۲۰۷ ظفر قول‌اردو قومندانلیگی نینگ قومندانی خیال‌نبی احمدزی، مردمی مقاومت حرکت رهبری محمداسماعیل خان، ولایت حاکمی عبدالصبور قانع، ملی خوفسیزلیک ریاست باشلیغی جنرال حسیب‌الله صدیقی و هرات پولیس قومندانی سیدمعراج‌الدین سادات شامل امنیتی ییرلیک رسمیلر، ۲۰۷ ظفر قول‌اردوسی و هرات قونالغه‌سی نینگ امنیتی کوچلر و رسمیلرگه ضرر ییتیشمسدن طالبان گروهی گه تاپشپیریلیشی گه قرار آلیشگن.
غلام‌حبیب هاشمی گه کوره، طالبان هم تسلیم بولگن امنیتی رسمیلر و حربی کوچلرگه ضرر ییتیشتیرمه‌سلیک‌لری خصوصیده کیلیشگن. اونینگ کوپه‌یتیریشیچه، حاضر محمداسماعیل خان اویی گه قیتگن.
بیزلرنینگ فیسبوک صحیفه‌میزگه باش اورینگ!
هرات ولایتی کینگشی نینگ اوشبو اعضاسیگه کوره، مذکور ییغین نیچه کون آلدین طالبان گروهی تامانیدن معافیت کارتی قولگه کیلتیرگن، هرات ولایتی کینگش باشلیغی کامران علی‌زایی نینگ واسطه‌چیلیگی بیلن صورت تاپگن.
عین حالده، محلی منبع‌لردن قطاری نینگ ایتیش‌لریچه، بوگون ۲۰۷ ظفر قول اردوسیده امنیتی ییریک رسمی‌لردن قطاری اوچاق بیلن کابل گه قاچیش نیتیده ایکن؛ بیراق امنیتی کوچلرنینگ اولرنینگ بو حرکتی گه توسیق بولگن.
شونینگدیک طالبان هم ۲۰۷ ظفر قول‌اردوسیده‌گی امنیتی کوچلرنینگ تسلیم بولگنی نی تصدیقله‌گن.
