رویترز ۹-اسد، سه‌شنبه کونی ترقه‌تگن گزارشی ده بو هجوم لبنان پایتختی بیروت شهریده اۉیوشتیریلگن. رویترز نینگ گزارشی اساسیده، اوشبو هجومده اسرائیل تامانیدن باسیب آلینگن جولان بلندلریده سپورت میدانیده اۉیوشتیریلگن راکته هجوم مسوولی حزب‌الله نینگ بیر ییریک قوماندانی نشانگه آلینگن.
نوار غزه ده آتیشمه‌لر کوچه‌یگنی و اسرائیل بیلن حزب‌الله لبنان آره‌سیده هجوم‌لر کوپه‌یگنی بیرحالده، تورکیه جمهور باشلیغی رجب طیب اردوغان نینگ ایتیشیچه، مملکتی فلسطین اهالی‌سیدن دفاع قیلیش مقصد، اسرائیل گه کیریشی ممکن.
حزب‌الله لبنان نینگ اسرائیل گه راکته هجوملری عاقبتیده ۲۴ کیشی هلاک بولیب و یره‌لنگن. رویترز ۶-اسد، شنبه کونی کېچ قورون ترقه‌تگن گزارشی اساسیده، حزب‌الله لبنان نینگ اسرائیل گه راکته هجوملری عاقبتیده اوشبو مملکت نینگ اشغالی جولان بلندلری فوتبال میدانیده ۱۱ کیشی هلاک بولیب و باشقه ۱۳ کیشی یره‌لنگن
رویترز ۳۱-سرطان، یک‌شنبه کونی، اسرائیل حربی کوچلری رفح شهری مرکزی ده مینگلب آواره جایلشگن کمپ نی نشانگه آلگنینی معلوم قیلگن. اوشبو گزارش اساسیده، اسرائیل حربی کوچلری «تل السلطان» ده حماس جنگری‌لرینی نشانگه آلیب و اولر گه عاید قورال-یراغ و آست قورمه‌لرنی یوق اېتگنلرینی ادعا قیلگن.
حماس و اسرائیل اۉرته‌سیده آتیش کېسین مذاکره‌لری توخته‌تیلگن بیرحالده، مذکور مملکت اردوسی ۲۶-سرطان، سه‌شنبه کونی غزه نینگ بیرقطار حدودلریده کېنگ کولمده هجوملری گه دوام بیرگن. معلومات‌لر اساسیده اسرائیل نینگ غزه مرکزی و جنوبی حدودلریده اۉیوشتیرگن هجوملری عاقبتیده چمه‌سی ۵۷ کیشی قربان بولگن.
اسرائیل اردوسی نینگ غزه جنوبی حدودلریده هوا هجومی عاقبتیده فلسطین‌لیک قریب ۴۰۰ کیشی اولیب و یره‌لنگن. رویترز آژانسی گه کوره، ۲۳-سرطان، شنبه کونی اسرائیل اردوسی نینگ غزه جنوبی حدودلریده اۉیوشتیرگن هجومی عاقبتیده فلسطین‌لیک ۹۱ کیشی هلاک بولیب و باشقه ۳۰۰ دن آرتیق کیشی یره‌لنگن.
اسرائیل حربی کوچلری نینگ غزه شمالی حدودلریده هوا هجوملری عاقبتیده فلسطین‌لیک ۴۲ کیشی قربان بولگن. معلومات‌لر گه کوره، اسرائیل حربی کوچلری ۲-سرطان، شنبه کونی غزه شمالی حدودلری الطوفه منطقه‌سی و ساحل کمپی گه هجوم اۉیوشتیرگن. خلق‌ارا یېتکرمه‌لر نینگ معلوماتی اساسیده، سۉنگی بیر کیچه-کوندوز ایچیده اسرائیل نینگ غزه ده هوا هجوملری عاقبتیده فلسطین‌لیک ۱۰۱ کیشی قربان بولیب و باشقه ۱۶۹ کیشی یره‌لنگن.
فلسطین ساغلیق‌نی سقلش وزیرلیگی، اسرائیل نینگ «المواسی» منطقه‌سی که بوندن آلدین اسرائیل تامانیدن تینچ منطقه تعیین‌لنگن اېدی هجوملری عاقبتیده، چمه‌سی ۲۵ کیشی هلاک بولیب و باشقه ۵۰ کیشی یره‌لنگنینی معلوم قیلگن.
حزب‌الله لبنان، اسرائیل نینگ توقیز حربی پایگاه‌سیگه راکته و پهپاد بیلن هجوم اۉیوشتیرگنینی معلوم قیلگن. رویترز آژانسی گه کوره، حزب‌الله لبنان ۲۴-جوزا، پنج‌شنبه کونی اسرائیل نینگ حرب پایگاه‌لری گه هجوم اۉیوشتیرگن. حزب‌الله، کاتیوشا و فلق راکته‌لرینی اسرائیل نینگ آلتی حربی مکانی تامان آتگنینی ادعا قیلگن.
حزب‌الله لبنان، اۉتگن کون اسرائیل نینگ هوا هجوملری عاقبتیده ییریک بیر قوماندانی هلاک بولیشی گه مناسبت بیلدیریب بوگون (۲۳-جوزا، چهارشنبه) اسرائیل تامان چمه‌سی ۱۶۰ موشک آتگن. شو بیلن بیرگه، حزب‌الله باشقریله‌دیگن یوزلب موشک و کاتیوشا راکته اسرائیل نینگ شمالی حدودلری گه آتگنینی اعلام قیلگن.
بیرلشگن ملتلر تشکیلاتی باش کاتبی آنتونیو گوترش، ۲۲-جوزا، سه‌شنبه کونی اسرائیل اردوسینی حماس و اسلامی جهاد همده سودان اوروشیده دخیل تامان‌لر گه قۉشیمچه باله‌لر حقوقینی نقض قیلگنی اوچون مجرملر نینگ ییل‌لیک رویخطی گه کېریتگن. معلومات‌لر اساسیده، ۲۰۲۲-ییل گه نسبتن ۲۰۲۳-ییل ده دنیا مقیاسیده باله‌لر گه قرشی زوره‌وانلیک ۳۵ فایز آشگن.
العربیه گزارشی اساسیده، اسرائیل حربی کوچلری ۲۲-جوزا، سه‌شنبه کونی لبنان جنوبی حدودلری «جویا» شهری ده حزب‌الله نینگ قرارگاه‌لرینی نشانگه آلگن، بو هجوم عاقبتیده حزب‌الله لبنان نینگ چمه‌سی تورت ییریک قوماندانی جمله دن گردان النصر قوماندانی «ابوطالب» هلاک بولگن.
خلق‌ارا یېتکرمه‌لر، بیرلشگن ملتلر تشکیلاتی خوفسیزلیک کینگشی ۱۰-جون، دوشنبه کونی غزه ده اسرائیل و حماس اۉرته‌سیده آتیش کېسین برقرار اېتیلیشی اوچون امریکا قۉشمه ایالتلری جمهور باشلیغی جوبایدن نینگ تکلیفینی قۉللب-قوتله‌گنی حقیده گزارش بیرگنلر.
خلق‌ارا ییتکرمه‌لر نینگ گزارشی اساسیده، اسرائیل باش وزیری بنیامین نتانیاهو اوروش کابینه اعضاسی بنی گانتز، یک‌شنبه کونی ۲۰-جوزا، استعفا بیرگن.
خلق‌ارا ییتکرمه‌لر نینگ گزارشی اساسیده، شنبه کونی ۸-جون، غزه مرکزی «النصیرات» منطقه‌سیده اسرائیل حربی‌سی نینگ هوایی هجومی عاقبتیده، کمیده ۲۱۰ فلسطین‌لیک قربان بولیب و ۴۰۰ کیشی ایسه یره‌لنگن.
غزه ده اسرائیل حربی کوچلری نینگ آواره‌لر توپلنگن مدرسه ده هوا هجومی عاقبتیده ۳۲ کیشی قربان بولگن. الجزیره خبری ترماغی گه کوره، اسرائیل حربی کوچلری بوگون (۱۷-جوزا، پنج‌شنبه) بامداد چاغی، غزه نینگ نصیرات منطقه‌سیده بیرلشگن ملتلر تشکیلاتی گه عاید یوزلب فلسطین‌لیک آواره توپلنگن مدرسه‌نی نشانگه آلگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
