دوحه کېله‌سی ییغینی اۉتکزیلیش عرفه‌سیده، ایش بیلرمان‌لردن بیرقطاری اسلام امیرلیگی دن دنیا همجمعیت، بیرلشگن ملتلر تشکیلاتی و مملکت‌لرنی سرپرست حکومت بیلن همکارلیک قیلیش گه قانیقتیریشنی سۉره‌گنلر.
اوشبو ییغیلیش ده افغانستانده‌گی وضعیت، انسان حقلری، خاتین قیزلر نینگ تعلیمی و ایش حقی بیریلیشی حقیده بحث اېتیلیشی کوتیله‌دی.
شو بیلن بیرگه، ایش بیلرمان‌لر، دنیا همجمعیت و بیرلشگن ملتلر تشکیلاتی افغانستانده‌گی وضعیت دیپلماتیک یولی بیلن حل اېتیلیشی اوستیگه تأکید اېتماقده اېکن، بو افغانستان و حاضرگی حکومت اوچون یخشی فرصت دیر بو فرصت‌دن قوللنیشنی اېسته‌یدیلر.
بیزلرنینگ فیسبوک صحیفه‌میزگه باش اورینگ!
خلق‌ارا مناسبت‌لر ایش بیلرمانی اجمل زرمتی نینگ سلام‌وطندار گه ایتیشیچه: «بیز حاضرگه قدر بوتونلی سیاسی انزوا گه اېمس‌میز یعنی بویوک مملکتلر و دنیا دیپلماتیک یولی بیلن افغانستانده‌گی وضعیت حل اېتیلیشی اوچون سعی-حرکت قیلماقده‌لر و دیپلماتیک یولی افغانستان یوزی گه آچیق دیر، هر زمان دیپلماتیک ایشیک‌لر و مذاکره‌لر یاپیلسه اوز زمان احوال کېسکین‌لشی ممکن.»
دوحه ییغینی میزبانی بولگن بیرلشگن ملتلر تشکیلاتی باش کاتبی نینگ اۉرین باسری روزمری دیکارلو، بو ییغیلیش ده اسلام امیرلیگی نینگ تن آلیش مسئله‌سی حقیده بحث اېتیلمسلیگینی بیلدیرگن.
شو بیلن بیرگه، اسلام امیرلیگی تشقی ایشلر وزیرلیگی امیرخان متقی ۶-سرطان، چهارشنبه کونی افغانستان اوچون بیرلشگن ملتلر تشکیلاتی باش کاتبی نینگ وکیلی روزا اوتونبایوا بیلن اوچره‌شووده، بو حکومت وکیلی دوحه ییغیلیشی ده اقتصادی و بنگی‌وار ماده‌لر گه قرشی کوره‌ش حقیده بحث اېتیش اوچون بوتونلی تیارگرلیک کورگنینی معلوم قیلگن.
بیزلرنینگ «ایکس» ترماغی ده هم تعقیب قیلینگ!
بیراق ایش بیلرمان‌لر، بو گَل ییغیلیش‌لرده افغانستان نینگ حاضرگی سیاسی انزوا دن چیقریش اوچون قطعی‌لیک یوق‌لیگیدن خواطر بیلدیره‌دیلر.
سیاسی ایش بیلرمان عزیز استانکزی نینگ ایتیشیچه: افغانستان حکومتی اۉز قرمز چیزیغیدن چیقیب و افغانستان خلقینی حاضرگی قیینچیلیک قوتقریش اوچون بیرلشگن ملتلر تشکیلاتی بیلن همکارلیک قیلیش گه سعی-حرکت قیلیشی کېره‌ک.»
ایتیش کېره‌ک، سۉنگی ایکّی ییلدن کوپراق ده افغانستان وضعیتی گه دایر تورلی خیل ییغیلیش‌لر جمله دن دوحه ایکّی ییغیلیشی، افغانستان نینگ انزوا دن قوتقریش اوچون مثبت نتیجه بیرمه‌گن.