افغانستان‌ده ییگیتلردن اکثریتی ایش‌سیزلیک‌دن زیریککنلری بیرحالده؛ لیکن مذکور ییگیتلردن قطاری سونگی ییل‌لرده یخشی درآمد منبع‌سی نی یره‌تیش اوچون آنلاین ایش گه یوز کیلتیرگنلر.
اوشبو گزارش‌ده سلام‌وطندار سونگی ییل‌لرده آنلاین ایشی‌گه یوز کیلتیرگن کابل ده‌‌گی ۱۵ ییگیت بیلن صحبت اوتکزگن. مذکور ییگیت‌لر نینگ ایتیشلریچه، آنلاین ایشی اهالی اوچون یخشی بیر ایش دیر و ایشلاوچیلر بو یول آرقه‌لی آز وقت و آز سرمایه بیلن یخشی درآمد قولگه کیلتیره‌آله‌دیلر.
بیر ییل‌دن بیری سهام بازاریده ایش بیلن شغللنگن کابل یشاوچیسی حامد نینگ ایتیشیچه، مجازی ترماق‌لرده آنلاین ایش اعلان‌لری و اونینگ فایده‌لیگی سبب او هم بو ایش گه یوز کیلتیرگن.
اونینگ کوپه‌یتیریشیچه: «اوزیم آنلاین ایش تریدینگ بولیمی‌ده‌مین و آمازون بولیم‌لریده هم معلومات قولگه کیلتیرگن‌مین. تریدینگ یعنی سوداگرلیک. سهام بازارلریده سوداگرلیک، دیجیتل بولیم‌لریده تجارت که مین اوزیم فارکس بازاری یا-ده تجارت تریدینگ‌ده مصروف‌مین. آز سرمایه بیلن باشله‌دیم، حاضر ایسه میلیاردر بولمه‌گن بولسم هم، فزیکی ایشلش گه نیازیم یوق.»
بیزلرنینگ «ایکس» ترماغی ده هم تعقیب قیلینگ!
قولیده تیککن کییم-کیچیکلری نی آنلاین شکلده ساته‌دیگن تبسم همدرد و آمازون شرکتی ایشلاوچیسی احمدولی رحیمی نینگ ایتیشلریچه، آنلاین ایش انسان‌نی تیزلیککه خودکفا قیله‌دی.
اسلام امیرلیگی نینگ قدرت گه ایریشگنی‌دن کیین ایشی‌نی قولدن بیریب و آنلاین ایش بازاری گه یوز کیلتیرگن تبسم همدرد نینگ ایتیشیچه: «آنلاین ایشی گه یوز کیلتیرگنیم سبب‌لریدن بیری، اسلام امیرلیگی نینگ قدرت گه ایریشگنی‌دن کیین عیال‌لر گه ایش نینگ تقیق‌لنگی و ایش‌سیز بولگنیم ایدی که مغلوب بولیش نی قبول قیلمه‌ی و ایش گه باشله‌دیم. آز سرمایه بیلن باشله‌دیم؛ بیراق حاضر ایسه یخشی بولگن. ینه هم قیرده بولسه‌ی هم ایش قیله آله‌میز. مینی فعالیتیم قولده تیکیلگن کییم‌لر نی ساتیش دیر که اولر‌نی اوزیم تیکه‌من.»
شونینگدیک اسلام امیرلیگی نینگ قدرت گه ایریشگنی‌دن کیین ایش‌سیز بولگن احمدولی رحیمی نینگ ایتیشیچه: «بیر ییل بوله‌دی که آنلاین ایش گه یوز کیلتیرگن‌مین. باش‌ده آنلاین ایشی، آسایشته‌لیکلری و فایده‌لریدن خوشم کیلدی. باش‌ده ۱۰۰۰ دالر بیلن باشله‌دیم و زحمتلریم بیلن ۱۵مینگ دالر گه ییتیشگن. شونینگدیک آمازون و آمازون سوداگرلیگی‌ده ایشله‌یمن و ایشیم یخشی و رضایتیم بار.»
شونده‌ی بیرحالده، آنلاین ایشی بیلن شغللنگن کیشیلر نینگ ایتیشلریچه، بو بولیم‌ده ایشلش دنیا‌ده هر کیم بیلن علاقه قوریب و اوندن فایده آلیش گه سبب بولگن. افغانستان ده آنلاین ایشی بیلن شغللنگنلر اینترنتی خذمتلر صفتی قویی‌لیگی نی اینگ اونملی قیین‌چیلیکلریدن عنوان قیله‌دیلر.
بو قیین‌چیلیک حلی و آنلاین ایش بازاری نینگ یخشی‌لنیشی اوچون آرایشی نرسه‌لرگه بازار تاپه‌دیگنلردن وحیده تیموری، سرپرست حکومت‌دن بو توغریده ییگیت‌لر نینگ تشویق قیلیشی و اولردن حمایت قیلیشی نی ایسته‌گن. «مملکتی‌میز‌ده‌گی اینگ اساسی قیین‌چیلیک اینترنت دیر که درست شکلده ایشلمه‌یدی و قیین‌چیلیکلر نینگ حلی اوچون مسئوللر و حکومت نینگ همکارلیک قیلیشی نی ایسته‌یمیز که درست بیر شکلده ایشله‌یلیک.»
اقتصادی مسئله‌لر بیلرمانلری، افغانستان ده ییگیت‌لر نینگ آنلاین بازاری گه یوز کیلتیریشلری نی ایجابی بیر آدیم و افغانستان اقتصادی یخشی‌لنیشی اوچون یخشی بیر ایش عنوان قیلگنلر. اقتصادی مسئله‌لر بیلرمانی و کابل بیلیم یورت اوقیتووچیسی زکریا حیدری نینگ ایتیشیچه، آز سرمایه بیلن آنلاین ایشی گه یوز کیلتیرینگ؛ بو ایش ایش‌سیزلیک میزانی نی کمه‌یتیره‌دی.
مذکور ایش بیلرمان نینگ کوپه‌یتیریشیچه: «دولت تامانیدن بو رقم ابتکارلریمیز یوق ایدی که ییگیت‌لر گه زمینه و شرایط نی یره‌تسه‌ی؛ بیراق ییگیت‌لر ینه هم اوز خلاقیت‌لری و ابتکارلری بیلن عمل قیلیب و ملی سطحی‌ده بیر قطار ایشلر نی انجام بیرگنلر؛ سیستم‌لر نی ایجاد قیلگنلر که اوزلری گه ایش تاپیب و او یول آرقه‌لی درآمد قولگه کیلتیرسه‌لر.»
بیراق زکریا حیدری نینگ اورغولشیچه، افغانستان نینگ سنتی اقتصاد‌دن زمانه‌وی اقتصاد تامان باریشی یوللریدن بیری آنلاین سوداگرلیک دیر که قرار آلووچی صفتیده دولت نینگ تعهدی گه نیاز دیر. «اونملی نرسه تعهد دیر. قرار آله‌دیگن ارگان‌لرده که تعهد آلووچی معمولاً دولت دیر. بیرینچی‌ده زمانه‌وی اقتصاد تامان باریش اوچون تعهد بولیشی کیره‌ک. اداره‌لر مسئولیتچی بولسینلر، ابتکار قیلسینلر و ییگیت‌لر گه آسایشته‌لیکلر نی یره‌تسینلر که سنتی اقتصاد زمانه‌وی تامان حرکت قیلسین.»
بیزلرنینگ فیسبوک صحیفه‌میزگه باش اورینگ!
باشقه بیر تاماندن، معلومات و مدنیت وزیرلیگی یاش ییگیت‌لر بوییچه معینیتی نینگ تخنیکی مصلحتچیسی نصیراحمد خان گه کوره، ایکی ییل‌دن بویان اوشبو وزیرلیک آٰرقه‌لی افغانستان نینگ ییتی زونی‌ده آنلاین ایشی خصوصیده کوپینچه معلومات بیریش برنامه‌لر یولگه قوییلگن دیر.
اونینگ ایتیشیچه: «حاضر ایسه بو بولیم‌ده ۱۵۰۰دن آرتیق ییگیت تعلیم کورگن که اولر نینگ درآمدی قریب ۵۰مینگ دالر دیر. تورلی ولایت‌لر و تورلی زون‌لردن دیر.»
معلومات و مدنیت وزیرلیگی یاش ییگیت‌لر بوییچه معینیتی نینگ تخنیکی مصلحتچی، آنلاین یولی آرقه‌لی میلیون‌لب ییگیت گه ایش زمینه‌سی یره‌تیلیشی خصوصیده تاکید قیلگن. «آنلاین ایشی نینگ فایده‌سی جوده‌یم کوپ؛ چونکه حاضرگی شرایط‌ده دولت و خصوصی سکتورلر نینگ اون مینگ‌لرچه مسلکی و بیلیم یورت‌لردن فارغ بولگن ییگیت‌لر گه خذمتلر ارائه قیلیش گه امکانیتی یوق یا-ده اولر نی جذب قیله آلمه‌یدیلر؛ بیراق آنلاین ایشی آرقه‌لی میلیون‌لرچه ییگیت ایش ایجاد قیله آله‌دی.»
آنلاین ایشی افغانستان کبی بیر مملکت‌ده حاضرگچه اونچه‌لیک رواجلنمه‌گنی بیرحالده، آسایشته‌لیک، وقت نینگ تلف بولمسلیگی و کوپینچه درآمد قولگه کیلتیریش اوچون یولگه قوییله‌دی.