اسلام امیرلیگی ایش اداره‌سی تدارکات ریاستی تامانیدن اوزبیکستان دن ساتیب آلینگن ۱۲۵ ته ینگی آمبولانس، بوگون (چهارشنبه، ۲ قوس) ساغلیق‌نی سقلش وزیرلیگی گه تاپشیریلگن.
ایش اداره‌سی تدارکات ریاستی سرپرستی عبدالرحیم رحیمی نینگ ایتیشیچه، اوزبیکستاندن ۶ میلیون ۴۵۱ مینگ ۶۱۲ امریکالیک دالر گه ساتیب آلینگن اوشبو آمبولانس‌لر، بوگون رسمی روشده ساغلیق‌نی سقلش وزیرلیگی گه تاپشیریلگن.
بیزلرنینگ فیسبوک صحیفه‌میزگه باش اورینگ!
عبدالرحیم رحیمی نینگ کوپه‌یتیریشیچه: «ساغلیق‌نی سقلش وزیرلیگی نینگ ایسته‌گی بیلن، مذکور واسطه‌لرنی اوزبیکستان دن انتقال بیریب و بوگون اولرگه تاپشیردیک. بو بیز اوچون بویوک یوتوق سنله‌دی.»
ساغلیق‌نی سقلش وزیرلیگی مسئوللری نینگ ایتیشلریچه، اوشبو آمبولانس‌لر مملکت مقیاسیده احتیاج سیزیلگن منطقه‌لر گه یوباریله‌دی.
ساغلیق‌نی سقلش وزیرلیگی سوزلاوچیسی گه کوره: «بو ۱۲۵ ته آمبولانس اوزبیکستاندن ساتیب آلینگن، بولر مملکت نینگ احتیاج سیزیلگن منطقه‌لری گه یوباریله‌دی. اوشبو آمبولانس‌لر زمانه‌وی امکانیت‌لر گه ایگه دیر.»
بیزلرنینگ توییترده هم تعقیب قیلینگ!
ایتیش کیره‌ک که، مملکت نینگ کوپ منطقه‌لریده بیمارلر، ساغلیک مرکزلر گه باریش اوچون ایریم قیینچیلیکلر بیلن روپه‌ره و اوزاق تومن‌لر نینگ یشاوچیلری، آمبولانس دن فایده‌لنیش امکانیتی گه ایگه ایمس‌لر.