فاریاب ده‌گی محلی منبع‌لر نینگ ایتیشلریچه، اوتگن کونی اوشبو ولایت نینگ مرکزی میمنه شهری ده هیبت‌الله اسملی بیر ییگیت اری چقیشی نتیجه‌سیده هلاک بولگن.
بیزلرنینگ فیسبوک صحیفه‌میزگه باش اورینگ!
هیبت‌الله قرینداش‌لری نینگ سلام‌وطندار گه ایتیشلریچه، او میمنه شهری مندوی ده میوه ساتیب آلیش اوچون بارگن ایکن، اونی زنبور چققن و کسلخانه گه انتقال بیریش چاغیده یول گه جان بیرگن.
اونینگ قرینداش‌لری گه کوره، هیبت‌الله هییت بیرمی دن آلدین توی قیلگن ایکن، زنبور چقیشی باعث جان بیرگن.
پاکستان رسانه‌لری نینگ گزارش بیریشلریچه، مذکور واقعه بوگون (چهارشنبه، ۱۸- جوزا) بلوچستان- پاکستان ژورب ملی قتناو یولیده یوز بیرگن.
بیزلرنینگ فیسبوک صحیفه‌میزگه باش اورینگ!
محلی مقاملردن بیری حافظ محمد قاسم نینگ ایتیشیچه، مذکور موتر ۲۳ یولاوچی بیلن «ژورب» منطقه‌سی تامان کیله‌یاتگن ایکن «اخترزی» منطقه‌سیده ییرلشگن بیر تیپه‌لیک‌دن پَست‌گه قوللـه‌گن.
محلی مقام‌لر نینگ ایتیشلریچه، اوشبو حادثه نتیجه‌سیده بیر باله‌دن باشقه، مذکور موتر نینگ برچه یولاوچیلری هلاک ایتیلگن.
بیزلرنینگ توییترده هم تعقیب قیلینگ!
محلی مقام‌لرنینگ کوپه‌یتیریشلریچه، اوشبو واقعه قربانیلری، ۵ باله شامل ۵ عیال و ۱۲ ایرکک دن عبارت دیر.
ایتیش کیرهک دیرکه اوتمیشلرده هم پاکستانده بوکبی واقعه‌لر یوز بیریب، نتیجه‌ده اونلرچه کیشی اولیب یره‌لنگن.
هلمند محلی مسئوللری نینگ ایتیشلریچه، ییر اوستیده، ۲ ایناغه اورته‌سیگه یوز بیرگن توقنشوو عاقبتیده ایناغه‌لردن بیری یره‌لنیب و آنه‌لری ایسه هلاک ایتیلگن.
اوشبو واقعه اوتگن کون (جمعه ۱۳- جوزا) هلمند ولایتی نینگ مارجه تومنیده یوزبیرگن.
بیزلرنینگ توییترده هم تعقیب قیلینگ!
هلمند معلومات و مدنیت ریاستی نینگ باشلیغی حافظ راشد هلمندی نینگ سلام‌وطندارگه ایتیشیچه، مذکور واقعه شونده‌ی بیرحالده، یوز بیرگن دیر که آنه‌لری ۲ ایناعه اورته‌سیده یوزبیرگن جنجل‌نی حل قیلیش اوچون اورته‌گه کیرگن ایکن، بیراق مذکور ایناغه‌لردن بیری اوق اوزگنی نتیجه‌سیده آنه هلاک ایتیلیب و ایناغه‌لردن بیری ایسه تن جراحتی کوتارگن.
بیزلرنینگ فیسبوک صحیفه‌میزگه باش اورینگ!
هلمند معلومات و مدنیت ریاست باشلیغی نینگ کوپه‌یتیریشیچه، قاتل اسلامی امارت کوچلری تامانیدن قولگه آلینگن.
ایتیش کیرهک دیرکه نیچه کون آلدین هلمند ولایتی نادعلی تومنیده ۶ ایناغه میراث حقی اوچون سینگیللرینی اولدیرگنلر.
هلمند محلی مسئوللری نینگ ایتیشلریچه، اوشبو ولایتده یوز بیرگن ترافیکی حادثه نتیجه‌سیده ۲ عیال شامل ۱ ایرکک جان بیرگن.
هلمند معلومات و مدنیت ریاستی نینگ باشلیغی حافظ راشد هلمندی نینگ ایتیشیچه، مذکور واقعه اوتگن کون (شنبه ۷- جوزا) کیچقورن اوشبو ولایت نینگ مارجه نادعلی تومنی قتناو یولیده یوز بیرگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، تونیس تیپلی یولاوچی تاشووچی موتر بیر موترسایکل بیلن توقنه‌شیب نتیجه‌ده ۳ کیشی هلاک ایتیلگن.
جناب هلمندی گه کوره، مذکور واقعه عیبلاوی بیلن تونیس تیپلی موتر نینگ هیداوچیسی قولگه آلینگن.
مملکت‌ده سونگی کونلرده ترافیکی واقعه‌لر کوپه‌یگن شونینگدیک، هیداوچیلرنینگ تیز هیده‌شلری، یوللرنینگ تارلیگی و ترافیکی قاعده-قانونلر هیداوچیلر تامانیدن رعایت ایتیلمسلیگی مذکور حادثه‌لر یوز بیریشیگه دلیل عنوان قیلینه‌دی.
ننگرهارده‌گی منبع‌لر نینگ ایتیشلریچه، اوتگن کیچه بیر باله اوشبو ولایت مرکزی جلال‌آباد شهری نینگ ییتینچی ناحیه‌سیده، اسلامی امارت کوچلری نینگ اوق آتیشی نتیجه‌سیده هلاک بولگن.
منبع‌لر نینگ کوپه‌یتیریشیچه، بیر ریکشا اسلامی امارت کوچلری نینگ نظارتی محلی‌دن اوتر ایکن، اسلامی امارت کوچلری اوشبو ریکشا گه قره‌ته اوق آتیشیدن کیین حادثه یوز بیرگن.
بیزلرنینگ فیسبوک صحیفه‌میزگه باش اورینگ!
شو بیلن بیرگه ننگرهار امنیه قوماندان‌لیگی نینگ مسئوللری گه کوره، اوتگن کیچه جلال‌آباد شهری نینگ ییتینچی ناحیه حدودلریده کیچه ساعت ۱۰ اطرافیده، اوق آتیلیشی نتیجه‌سیده هلاک بولگن «عادل» ناملی باله نینگ قضیه‌سینی تیکشیریشنی باشله‌گنلر.
ننگرهار امنیه قوماندان‌لیگی نینگ خوفسیزلیک اورین باسری محمدطاهر مبارز نینگ ایتیشیچه، مذکور باله نینگ قرینداش‌لری، اسلامی امارت نینگ حادثه محلی ده‌گی خوفسیزلیک کوچلرینی اوشبو باله نینگ قتلی گه عیبله‌گنلر. بیراق امنیتی کوچلر، بو باله قورالی اوغری‌لر نینگ اوق آتیشی نتیجه‌سیده هلاک بولگنینی ایته‌دیلر.
ننگرهار قوماندان‌لیگی خوفیسزلیک اورین باسری نینگ ایتیشیچه، واقعه اصلی عاملی کیم ایکن‌لیگی حاضرگچه انیقلنمه‌گن و قضیه آچیقله‌نیشی اوچون محل گه بیر هیأت یوللنگن.
بیزلرنینگ توییترده هم تعقیب قیلینگ!
ایتیلیشیچه، اوشبو باله اوتگن کیچه، بیر ریکشاده ایکی عایله اعضاسی بیلن اوی تامان بارر چاغده، اوق آتیلیشی نتیجه‌سیده هلاک بولگن.
ایتیش کیرهک که، بوندن آلدین اسلامی امارت کوچلری کابل وباشقه قطار ولایت‌لرده نظارتی ایست‌لرده، نقلیه واسطه‌لر گه اوق آتیب نتیجه‌ده بیرقطار کیشیلرنینگ اولیب یره‌لنیشیگه سبب بولگن.
قندوز خوفسیزلیک مسئوللری بوگون اوشبو ولایتده یوز بیرگن پارتلش‌ده ۴ کیشی هلاک و باشقه ۱۸ کیشی یره‌لنگنیدن خبر بیرگن‌لر. اوشبو پارتلش بوگون قندوز شهری تورتینچی خوفسیزلیک حوزه‌گه قره‌شلی حدودلرده جایلشگن «سرور ظریف» مکتبی یقینیده یوز بیرگن.
قندوز امنیه قوماندان‌لیگی سوزلاوچیسی عبیدالله عابدی نینگ سلام‌وطندار گه ایتیشیچه، مذکور حادثه بوگون توش‌ده ساعت ۱۲:۳۰ اطرافیده «سر دوره» ساحه‌سیده یوز بیرگن.
بیزلرنینگ فیسبوک صحیفه‌میزگه باش اورینگ!
قندوز امنیه قوماندان‌لیگی سوزلاوچیسی نینگ اورغولشیچه، مذکور حادثه‌ده ۴ کیشی هلاک و اوچ باله و بیر عیال شامل ۱۸ کیشی یره‌لنگن. اونینگ کوپه‌یتیریشیچه، واقعه عامل‌لرینی قولگه آلیش اوچون سعی و حرکت قیلماقده‌لر.
انه شوحالده، قندوز حوزوی کسلخانه سیگه بارگن واقعه قربانیلری نینگ قرینداش‌لریدن قطاری گه کوره، دهشتلی واقعه‌گه گواه بولیب و قرینداش‌لری نینگ عملیات بولیشنی کوتماقده‌لر. اولر اسلامی امارت متصدی‌لریدن، گناه‌سیز انسان‌لر قربان بولمسلیگی اوچون اهالی امنیتی تأمین ایتیلیشینی سوره‌یدیلر.
بیزلرنینگ توییترده هم تعقیب قیلینگ!
قندوزده نیچه آی آلدین شیعه‌لر مسجدی‌ده اویوشتیریلگن خودکش هجوم‌دن کیین بو ایکینچی پارتلش دیر که تینچ اهالی‌لر نشانگه آلینه‌دی.
بو عین‌حالده، بوگون بلخ وننگرهار ولایت‌لری نینگ اهالیسی قانلی پارتلش‌لرگه گواه ایدی. اوشبو پارتلش‌لر نتیجه‌سیده اونلب انسان اولیب و یره‌لنگن. مملکت پایتختی کابل‌ده هم بوگون پارتلش یوز بیردی.
آته‌سی معیوب ایدی، بویوک فرزندیم بارلیگیدن فخرلنردیم، سینگه اوله‌ی!» بو اوتگن کونی کابل غربی‌ده «شهید عبدالرحیم» مکتبی یقینیده اویوشتیریلگن پارتلش هجوم‌ده ۱۸ یاشر فرزندینی قولدن بیرگن آنه نینگ ناله‌سی دیر.
میلاد سکیز کیشی‌لیک بیر عایله نینگ فرزندی و اوشبو عایله نینگ استعدادلی فرزندلریدن حسابلنه‌دی. اونینگ اولیمی برچه عایله اعضالری جمله‌دن آنه‌سی‌گه آغیر توشگن و میلادنی دایمی قولدن بیرگنیگه حاضر هم ایشانمه‌یدی. میلاد نینگ آنه‌سی فرزندی نینگ داغیده صحبت قیلیش اوچون قوتی یوق، او میلادنی مخاطب قرار بیریب واونی عزیز فرزندی اوله‌راق قیچقیره‌دی.
بیزلرنینگ فیسبوک صحیفه‌میزگه باش اورینگ!
میلاد نینگ آته‌سی، اوغلی درس اوقیدیگن مکتب یقینیده پارتلش یوز بیریشیدن اوچ ساعت‌دن کیین، واقعه‌دن خبر بوله‌دی، میلاد نینگ مبایلی اوچیق کورستسه‌ده؛ لیکن کیتمه-کیت فرزندی‌گه قونغراق قیلیب و علاقه قوره آلمه‌یدی.
اوزینی، اکثر قربانی‌لرنی انتقال بیرگن محمدعلی جناح کسلخانه‌سیگه ییتکیزیب و میلاد نینگ بی روح جسدینی مذکور کسلخانه نینگ ساووقخانه‌سیدن تاپه‌دی. پارتلش یوز بیریشی و فرزندینی قولدن بیریش باعث، محمدحسن، باشقه فرزندلری نینگ جانینی آمان اسره‌ش اوچون، اولرنینگ مکتب باریشی‌گه توسیق بولگن.
اونگه کوره، تعلیم یولیده باشقه فرزندلرینی قولدن بیریشیدن قورقه‌دی. «امنیت بولمسه، دشمن‌لر مکتب‌لر یقینیده پارتلتسه‌لر، بونده‌ی درس اوقیشنی کیره‌گی یوق. اوی‌ده اولتیریب سواد سیز قالیش‌لری یخشی.»
بونگه علاوه، باشقه بیر عایله‌هم فرزندی نینگ داغیده اولتیرگن. عایله نینگ بویوکی سیدحسن بیرینچی پارتلش‌ده شاشیلیب و فرزندی شهید عبدالرحیم مکتبی اوقووچیسی دیر اونینگ ساغلاملیگیدن ایشانچی کامل بولیش اوچون واقعه محلی‌ده اوزینی ییتکیزه‌دی. بیراق ایکینچی پارتلش آته نینگ جانینی آله‌دی.
آته‌سی او اوچون جانینی قولدن بیرگن حسین نینگ ایتیشیچه، آته‌سی اونی درس اوقیب و مؤفق انسان بولیشی اوچون ترغیب قیلر ایدی؛ لیکن حاضر آته‌سی نینگ یوق‌لیگی تعلیمینی دوام بیریش گه شوق و علاقه‌سینی کمه‌یتیرگن. اونگه کوره: «یوره‌گیم درس اوقیشگه بولمه‌یدی. یگانه حمایتچیم آتم ایدی، حاضر او یوق، کیم بیزنی حمایت قیله‌دی.»
شو بیلن بیرگه مذکور واقعه قربانیلری نینگ عایله‌لری، اسلامی امارت‌نی اولکه فقرالری نینگ خوفسیزلیگینی تأمینلش گه ناکام بیله‌دیلر. برچه‌سی بیلن، شهید عبدالرحیم مکتبی‌گه باش اوردیک. بو مکتب باشقه کون‌لرگه نسبتن ایم_سیم قطار استاد و مکتب مسئول‌لری‌دن باشقه هیچ بیر اوقووچی کوریلمه‌یدی. اوقووچیلر هلیگچه حاضر بولمسلیک دلیلی بیللی ایمس، بیراق اوشبو اوقووچیلر سبق‌لری گه دوام بیریش‌دن زیریکیش‌گنلری سیزیله‌دی.
بیزلرنینگ توییترده هم تعقیب قیلینگ!
شهید عبدالرحیم مکتبی مدیری غلام‌حیدر نینگ ایتیشیچه، نیچه مراتبه اسلامی امارت خوفسیزلیک اداره‌لریدن اوشبو مکتب امنیتی آلینیشینی سوره‌گندیک؛ لیکن اولر نینگ خواستی گه جدی اعتبار بیریلمه‌دی. او مذکور مکتبده‌گی قربان بولگنلر و یره‌لنگن‌لر خصوصیده ایتیشیچه: «اوشه زمان اوزیده بیش کیشی هلاک بولیب و باشقه ۱۱ کیشی ایسه یره‌لنگن ایدیلر.»
بوتوغریده کابل امنیه قوماندان‌لیگی نینگ فکر_ملاحظه‌سینی اورگه‌نیشنی ایسته‌دیک؛ لیکن مذکور نهاد سوزلاوچیسی قونغراق‌لریمیزگه جواب قیتیرمه‌دی. گرچند ساغلیق‌نی سقلش و امنیتی مسئول‌لر ۶ کیشی نینگ هلاک بولیشی و ۲۰ کیشی نینگ یره‌لنگنینی تصدیقله‌گنلر؛ اما نارسمی معلومات‌لرگه کوره، شهید عبدالرحیم مکتبی یقینیده یالغیز بیرینچی پارتلش‌ده ۲۰ دن ۲۵ اوقووچی هلاک بولگنلر.
لغمان محلی مسئوللری نینگ ایتیشلریچه، اوشبو ولایتده ایکی عایله آره‌سیده زمین (ییر) اوستیدهگی جنجل نتیجه‌سیده، بیر عایله‌دن اوچ کیشی هلاک بولگن. مذکور واقعه اوتگن کون کیچ قورون لغمان مرکزی مهترلام شهری نینگ «دول‌اباد» منطقه‌سیده یوزبیرگن.
لغمان حاکمی سوزلاوچیسی صلاح‌الدین زاهد نینگ سلام‌وطندار گه ایتیشیچه، اوشبو شخصی جنجل‌ده بیر تاماندن اوچ کیشی هلاک و شونینگدیک باشقه تاماندن ایسه بیر کیشی یره‌لنگن.
بیزلرنینگ توییترده هم تعقیب قیلینگ!
لغمان حاکمی سوزلاوچیسی نینگ کوپه‌یتیریشیچه، اسلامی امارت خوفسیزلیک کوچلری واقعه محلی‌دن اوچ کیشی نی قولگه آلگنلر و حاضر ایسه اولر نینگ یانیده تحقیقات نینگ دوامی بار. اونگه کوره، اسلامی امارت کوچلری قولگه آلینگن کیشیلر یانیدن بیر مقدار قورال هم قولگه کیلتیرگنلر.
ایتیش کیرهک که، شونینگدیک بوندن آلدین هم مشابه واقعه‌لر یوزبیریب و بیر قطار کیشی ایسه هلاک و یره‌لنگن ایدی.
بیرلشگن ملتلر تشکیلاتی بیر بیانیه آرقلی خبر بیریشیچه، اوتگن کون قندوز و تخار ولایتلریده پولیو گه قرشی ایملش برنامه نینگ ۸ ایشلاوچیسی ۴ فرقلی واقعه‌ده هلاک بولگن.
مذکور تشکیلات نینگ ایتیشیچه، تخار ولایتی تالقان تومنیده پولیو گه قرشی ایملش تیمی نینگ بیر اعضاسی، قندوز شهریده اَیری ایکی واقعه‌ده اوی‌مه اوی تیمی نینگ ۲ اعضاسی و اوشبو ولایت نینگ امام صاحب تومنیده باشقه بیر ایشلاوچی بیلن ایکی واکسیناتور اولدیریلگن. بیرلشگن ملتلر تشکیلاتی قربان بولگنلر نینگ اقاربلری گه هم‌دردلیک بیلدیرگن.
بیزلرنینگ توییترده هم تعقیب قیلینگ!
شونده‌ی بیرحالده، قندوز امنیه قومندانلیگی سوزلاوچیسی نینگ سلام‌وطندار گه ایتیشیچه، اوشبو ولایتده ناتانیش قوراللی کیشیلرنینگ هجوملری عاقبتیده، پولیو گه قرشی ایملش برنامه نینگ ۷ ایشلاوچیسی هلاک بولگن.
جناب عابدی گه کوره، بو آره‌ده قندوز شهری نینگ مرکزیده بیر عیال شامل ۴ کیشی و اوشبو ولایت نینگ امام صاحب تومنیده ۳ عیال ناتانیش قوراللی کیشیلر تامانیدن اوققه توتیلگن.
قندوز امنیه قومندانلیگی سوزلاوچیسی نینگ کوپه‌یتیریشیچه، مذکور واقعه‌لر گه تیگیشلی ایکی کیشی قولگه آلینگن و اولردن تیکشیریشلر نینگ دوامی بار. اونینگ ایتیشیچه، حاضرگچه هیچ بیر کیشی یا_ده گروه بو واقعه مسئولیتی نی بوینیگه آلمه‌گن و قولگه آلینگن کیشیلردن تحقیقات‌دن کیین، معلومات نینگ رسانه‌لر بیلن شریک قیلیشلری ممکن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، بیرلشگن ملتلر تشکیلاتی ساغلیک ایشلاوچیلر گه قرشی هجوملر نی انسان‌دوستلیک خلق‌ارا قانونلر گه قرشی دیب و اونی قاره‌لگن.
بیرلشگن ملتلر تشکیلاتی نینگ کوپه‌یتیریشیچه، تخار و قندوز ولایتلریده پولیو گه قرشی ایملش کمپاینی توخته‌تیلگن. میلادی جاری ییل‌ده پولیو گه قرشی ایملش ایشلاوچیلری برابریده بو بیرینچی هجوم دیر. بیرلشگن ملتلر تشکیلاتی گه کوره، اوتمیش میلادی ییل‌ده، افغانستان‌ده پولیو گه قرشی ایملش برنامه نینگ ۹ ایشلاوچیسی هلاک بولگن ایدی.
خوست ساغلیق‌نی سقلش مسئوللری نینگ ایتیشلریچه، اوشبو ولایت گه تیگیشلی حدودلرده «مارسیدیس» تیپلی بیر موتر نینگ قوللشی عاقبتیده، ۸ کیشی هلاک و باشقه ۶ کیشی ایسه یره‌لنگن. مذکور حادثه بوگون گردیز-خوست قتناو یولی «الماری» ساحه‌سیده یوزبیرگن.
خوست تینچ‌اهالی کسلخانه سی نینگ اداری مدیری رید‌گل نینگ سلام‌وطندار گه ایتیشیچه، اوشبو واقعه‌ده هلاک بولگنلر آره‌سیده، ۴ عیال و ۴ ایرکک شامل دیر.
بیزلرنینگ فیسبوک صحیفه‌میزگه باش اورینگ!
خوست تینچ اهلی کسلخانه‌سی اداری مدیری نینگ کوپیتیریشیچه، اوشبو واقعه طفیلی ۶ یره‌لی مذکور کسلخانه گه انتقال بیریلگن، اولردن ایکی ته‌سی نینگ وضعیتی یامان دیر.
حاضرگچه خوست امنیتی مسئوللری بو واقعه سببی حقیده هیچ بیرنرسه دیمه‌گن.
شونده‌ی بیرحالده، سونگی کونلرده مملکت بوییچه ترافیکی واقعه‌لر کوپه‌یگن و کوپینچه یشاوچی نینگ اولیمی گه سبب بولگن.
بیزلرنینگ توییترده هم تعقیب قیلینگ!
ینگی لیکده، اوتگن کونی توشدن کیین، سمنگان ولایتی مرکزی ایبک شهریده جایلشگن «دلخکی» ساحه‌سیده ایکی کرولا نینگ توقنشگنی سبب، اوچ کیشی اولیب و باشقه اوچ کیشی ایسه یره‌لنگن.
شونینگدیک اوتگن کون قلعۀنو_آبکمری یولیده فلانکوچ تیپلی یولاوچی تاشووچی بیر موتر نینگ چپه بولگنی باعث، ۵ کیشی یره‌لنگن.
کابل شهریده، اندرا گاندی باله‌لر ساغلیق شفاخانه‌سی نینگ مسوول‌لری، امریکا عسکرلری نینگ تیار ییمک‌لریدن ییگن تورت باله نینگ قربان بولگنیدن خبر بیرگن.
اندرا گاندی باله‌لر ساغلیق شفاخانه‌سی نینگ مسوولی امیرمحمد جلالی، سلام‌وطندارگه ایتیشیچه، بو پاکت‌لرده سیغدیریلگن ییگولیک مواد زهرلی دیر، چونکه قول‌لنیش زمانی ایسکیرگن.
بو کونلرده کابل شهری نینگ بازارلریده قهوه رنگی‌ده پاکت‌لنیب، تورلی مینولری بولگن تیار ییمکلر، جمله دن تاووق گوشتی، ککو، بیسکویت و چاکلیت، ساتیله دی.
بیزلرنینگ فیسبوک صحیفه‌میزگه باش اورینگ!
مذکور ییمیک‌لر ساتووچی‌لریدن قطاری نینگ ایتیشلریچه، بو ییمک پاکت‌لری امریکایی عسکرلردن قالگن.
عامه ساغلیق وزیرلیگی نینگ سوزلاوچیسی جاوید هژیر نینگ ایتیشیچه، ایسکیرگن ییمک‌لرنی توپلش اوچون کمپین باشلنگن.
اندراگاندی باله‌لر شفاخانه‌سی نینگ داکترلری، امریکایی عسکرلر ییمک‌لریدن قول‌لنگن تورت باله نینگ قربان بولگنیدن خبر بیرگن بیرحالده، بو ییمکلردن یوزلرچه پاکتی هر کون کابل شهری نینگ ایریم بولیم‌لری و ولایت‌لرده ساتیله‌دی.
