فاریاب مرکزی میمنه شهریده جایلشگن امیر علی‌شیر نوایی مکتبی مسئوللری، مذکور مکتب نینگ یوزلب اوقووچیسی آره‌سیده بیرینچی مرته کانکور طرزیده اوزبیک تیلیده «سیرت» آتیده معلوماتی بیلله‌شوو یولگه قوییلگنینی معلوم قیله‌دیلر.
فاریاب ولایتی محلی مسئوللری، اوشبو ولایتده علیحده واقعه‌لرده ایکّی کیشی اولدیریلگنینی معلوم قیله‌دیلر. فاریاب معلومات و مدنیت باشلیغی شمس‌الله محمدی نینگ ایتیشیچه، ۴-سنبله، یک‌شنبه کونی، اوشبو ولایت مرکزی میمنه شهری بیرینچی ناحیه حدودلریده یوز بیرگن بیرینچی واقعه‌ده، ۴۵ یاشر بیر کیشی «کلاشینکوف» قورالی بیلن آتیب اولدیریلگن.
افغانستان فوتبال فدراسیونی اعضالریدن بولمیش عبدالحق فیضی، فاریاب ولایتی استقلال فوتبال تیرمه جماعه‌سی اورتاق‌لیک بیر اویینده اۉزبېکستان سرخان دریا ولایتی قزریق تیرمه جماعه‌سی برابریده ۲:۰ حسابی بیلن مغلوب بولگنینی اېتگن.
منبع‌لر گه کوره، بو واقعه ۲۳-اسد، سه‌شنبه کونی توشدن سۉنگ فاریاب ولایتی تامانیدن بلخ ولایتی مقصدی گه کېله‌دیگن «کرولا» رسوملی بیر موتر «تیلری» رسوملی بیر موتر بیلن توقنشووی عاقبتیده یوز بیرگن.
فاریاب ولایتیده ایکی کون ایچیده ایکی کیشی اوزینی دار گه آسیب اولدیرگن. فاریاب ده محلی منبع‌لر نینگ ایتیشلریچه، اوشبو ولایت پشتونکوت تومنیده یوز بیرگن بیرینچی واقعه‌ده، یاش بیر قیز اوزینی دار گه آسیب اولدیرگن.
فاریاب ولایتی شیرین‌تگاب تومنیده «چکوزایی» اسملی باشلنغیچ بیر مکتب نینگ قوریلیش ایشی اوتگن کون (چهارشنبه، ۱۷-اسد)، یکونلنیب و فایده‌لنیش گه تاپشیریلگن.
فاریاب صناعت و سوداگرلیک ریاستی مسئوللری، اوشبو ولایتده ۲۵۰ مینگ افغانی ارزشی‌گه تاریخی اوتگن و صفتی قویی قریب ۵ تُن آزیق-آوقت و یوویش محصولاتی نینگ آلاو بیریلگنی‌دن خبر بیرگنلر.
فاریاب ولایتی ساغلیق‌نی سقلش ریاستی نینگ آوقت‌لنیش ایشلری بوییچه ولایتی مسئولی غلام فاروق عظیمی، بوگون (۱۶-اسد، سه‌شنبه) خلق‌ارا آنه سوتیدن آوقت‌لنیش هفته‌سیدن نشانلش احتفال ده ایتیشیچه، سۉنگی آلتی آی ایچیده توییب آوقت‌لنمسلیکّه چلینگن «بیش یاشنی تولدیرمه‌گن» ۲۶ مینگ دن آرتیق باله مذکور ولایت نینگ ساغلیق مرکزی ده ثبت بولگن، اولردن ۲۵ مینگ‌ته‌سی ساغه‌یب و باشقه ۲۱ باله وفات اېتگن.
فاریاب امنیه قوماندان‌لیگی سۉزلاوچیسی عبدالله مرادی گه کوره، اوشبو واقعه بوگون (۱۳-اسد، شنبه) توشدن کېین ساعت ۳:۰۰ اطرافی ده جوزجان-اندخوی قتناو یولیده «سراچه» رسوملی بیر موتر باشقه بیر موتر بیلن توقنشووی سبب یوز بیرگن. اونگه کوره، اوشبو واقعه ده آلتی ایرکک و اوچ عیال قربان بولگنلر.
اسلام امیرلیگی کانلر و پترولیم وزیرلیگی سۉزلاوچیسی همایون افغان گه کوره، اوشبو کانلر نینگ قازیب چیقریش مناسبتی بیلن یولگه قوییلگن احتفال گه قتنه‌شیش اوچون فاریاب گه سفر قیلگن ایتیشیچه، مذکور ولایت نینگ قرمقول تومنیده ۲۴ میلیون دالرلیک اوشبو اوچ توز کانی نینگ شرطنامه‌سی ایچکی بیر خصوصی شرکت بیلن امضالنگن اېدی، بوگون (۱۳-اسد، شنبه) ایشی باشلنگن.
فاریاب معارف ریاستی مسئوللری، اوشبو ولایت نینگ بیش تومنیده ۸ ته باشلنغیچ مکتب نینگ قوریلیش ایشی باشلنگنی‌دن خبر بیرگنلر. فاریاب معارف باشلیغی محمدطاهر جواد نینگ ایتیشیچه، اوشبو مکتب‌لر مذکور ولایت مرکزی میمنه شهری و پشتونکوت، المار، قیصار و چهل‌گزی تومن‌لریده قوریله‌دی.
اوتگن یک‌شنبه کونی توشدن کیین، فاریاب ولایتی المار تومنیده اسلام امیرلیگی کوچلریدن بیری اوققه توتیلیب، اولدیریلگن. فاریاب معلومات و مدنیت باشلیغی شمس‌الله محمدی نینگ ایتیشیچه، محمدعلی اسملی مذکور کیشی، اوشبو ولایت نینگ المار تومنی اطرافیده ایکی ناتانیش قوراللی کیشی آرقه‌لی اوققه توتیلگن.
۲۰۲۴-ییل المپیک یاز رقابت‌لری نینگ بایسکل هیده‌ش مسابقه‌سیده، فاریاب‌لیک بایسکلچی «یولدوز هاشمی» آسیا بویلب ایکّینچی اوریننی اېگلله‌گن. فرانسه پایتختی پاریس شهریده بولیب اۉته‌یاتگن المپیک یاز رقابت‌لری نینگ بایسکل هیده‌ش مسابقه‌سیده، فاریاب‌لیک بایسکلچی یولدوز هاشمی ۲۶- اوریننی اېگللب و آسیا مقیاسیده ایکّینچی بولگن.
کانلر و پترولیم وزیرلیگی، فاریاب ولایتیده اوچ توز کان نینگ قازیب چیقریش شرطنامه‌سینی قریب ۲۵ میلیون امریکالیک دالر گه تېنگ خصوصی بیر شرکت بیلن امضاله‌گن. کانلر و پترولیم وزیرلیگی بوگون (۵-اسد، جمعه) ایکس صحیفه‌سیده بیر بیانیه ترقه‌تیب، فاریاب ولایتیده اوچ توز کان نینگ قازیب چیقریش شرطنامه‌سینی «ابوسعید» شرکتی بیلن امضاله‌گنیدن خبر بیرگن.
فاریاب ولایتی معارف رسمی‌لری، اوشبو ولایت ایکّی تومنیده اوچ مکتب نینگ تمل تاشی قوییلگنیدن خبر بیره‌دیلر. فاریاب معارف باشلیغی محمدطاهر جواد گه کوره، اوشبو مکتب‌لر مذکور ولایت نینگ خواجه‌سبزپوش و دولت‌آباد تومن‌لریده ۸۰۰ متر ییرده زمانه‌وی شکلده قوریلیب و ایشلری آلتی آی ایچیده یکونلنیشی ممکن. اونینگ ایتیشیچه، بو مکتب‌لر نینگ ییری محل یشاوچیلری تامانیدن ساوغه قیلینگن.
فاریاب ولایتی محلی مسئوللری، اوشبو ولایت نینگ آلتی تومنیده سکیز سوو یېتکیزیش شبکه نینگ قوریش ایشی باشلنگنینی معلوم قیله‌دیلر. اوشبو ولایت نینگ قیشلاق‌لرنی رواجلنتیریش و قیته قوریش باشلیغی تورجان احمدی گه کوره، بو سوو یېتکیزیش شبکه‌لر ده ۴۰ مترمکعب سوو سیغیب و قوریلیشی بیلن ایکّی مینگ ۴۴۸ عایله ایچیملیک سوو بیلن تأمینلنه‌دی.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
