بو ییر غزنی ده سرپرست‌سیز باله‌لر و ناگرانلر گه تیکووچیلیک، تاووق‌چیلیک و موبایل توزه‌تیش کسبلرینی اورگه‌تیش اوچون بولگن بیر ایشخانه دیر که برچه کیشی بو ییرده کسب اورگه‌نیش بیلن شغللنگن.
مذکور ایشخانه‌ده موبایل توزه‌تیش کسبی و تیکووچیلیک نی اورگنه‌دیگن ناگران کیشیلردن اسماعیل و سرپرست‌سیز باله‌لردن روح‌الله، اوشبو تعلیمی فرصت نینگ یره‌تیلگنیدن خورسند‌لیک بیلدیرگنلر. اولر نینگ ایتیشلریچه، اوشبو ایشخانهدن فارغ بولگنلری بیلن اوزلری و عایله‌لری نینگ اقتصادی نیازلرینی تامین‌لش اوچون بازارده ایشله آله‌دیلر.
بیزلرنینگ «ایکس» ترماغی ده هم تعقیب قیلینگ!
مذکور ایشخانه‌ده کسب اورگه‌نیش بیلن شغللنگن کیشیلر، غزنی ولایتی‌ده بو کبی ایشخانه‌لر فعالیتی دوامینی ایسته‌ب ایتیشلریچه، جمعیت‌ده ناگرانلر و سرپرست‌سیز باله‌لر سانی نینگ کوپلیگی گه توجه قیلیش بیلن، بو کبی مرکزلر فعالیتی دوام قیلیشی کیره‌ک.
اوشبو ایشخانه‌ده موبایل توزه‌تیش بولیمی‌ده ایش اورگنه‌دیگنلردن بیری میراجان نینگ ایتیشیچه: «بو لایحه نی بیزلر اوچون یره‌تگنلر. ییتیم بولگن کیشیلر بو ییرگه کیلیب تعلیم کوره‌دیلر. کوپ منت‌دارلیک قیله‌میز و بیر خواهشیمیز هم بار که بو دوره غزنی‌ده دوام قیلسین.»
«HHRD یا-ده ترقیات اوچون یاردم قوللری» اسمی آستیده بولگن خصوصی نهاد مسئوللری نینگ ایتیشلریچه، حاضر ناگرانلر، سرپرست‌سیز باله‌لر و کمبغل عیاللردن ۱۰۰ کیشی، غزنی شهری‌ده‌گی اوشبو نهاد نینگ آلتی آیلیک اَیری اوچ کسب‌ده، تعلیم کورماقده‌لر.
غزنی ده «ترقیات اوچون یاردم قوللری» نهادی نینگ ولایتی مسئولی مجیب‌الرحمان سادات نینگ سلام‌وطندار گه ایتیشیچه، غزنی ولایتی بویلب برچه تومن‌لرده اوشبو تعلیمی برنامه‌لر نینگ کینگه‌یشی خصوصیده سعی‌وحرکتلر نینگ دوامی بار.
شونده‌ی بیرحالده، مذکور ایشخانه‌ده اوقووچیلر گه موبایل توزه‌تیش کسبی نی درس بیره‌دیگن اوقیتووچیلردن زبیراحمد احمدزی نینگ ایتیشیچه، مذکور کسب نی اورگه‌نیش ناگران کیشیلر و سرپرست‌سیز باله‌لر اقتصادی اوچون فایده‌لی دیر و اولر بو ایشخانهدن فارغ بولیش بیلن مستقل شکلده بازارده ایشله آله‌دیلر.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، غزنی ایش و اجتماعی ایشلر ریاستی اورین‌باسری علی‌محمد محمود، باله‌لر و کمبغل عایله‌لر گه ایش زمینه‌سی یره‌تیش بولیمی‌ده بولگن نهادلر فعالیتی‌دن خورسند‌لیک قیلیب و مذکور ولایتده اوشبو نهادلر آرقه‌لی سرپرست‌سیز باله‌لر و ناگران کیشیلر گه کوپینچه کسبلر نینگ تعلیم بیریلیشی نی ایسته‌گن.
ایتیش کیره‌ک که، مملکت‌ده نیچه دهه اوروش، ناگرانلر و سرپرست‌سیز باله‌لر سانی نی کوپه‌یتیرگن و حاضر ایسه اسلام امیرلیگی نینگ قدرت گه ایریشگنی بیلن باشقه هر وقت گه قره‌گنده بو کیشیلرنی قوللب-قوتلنیشی خصوصیده ایسته‌کلر کوپه‌یب و مذکور کیشیلر ظرفیت آشیشی و ایش فرصت‌لری یره‌تیلیشی اوچون سرپرست حکومت و همکار موسسه‌لر نینگ کوپراق توجه قیلیشلرینی ایسته‌گنلر.
