ایرته (دوشنبه، ۳ اسد)، افغانستان وضعیتینی تیکشیریش مقصدیده ایکی کون‌لیک ییغین اوزبیکستان پایتختی تاشکینت شهری ده اوتکزیلیشی کوتیله‌دی. امیرخان متقی ییتکچیلیگیده اسلامی امارت هیأتی اوشبو ییغینده اشتراک ایتیش مقصدیده اوزبیکستان ییتیب بارگنلر.
تشقی ایشلر وزیرلیگی سوزلاوچیسی نینگ اورین باسری احمدضیا تکل نینگ سلام‌وطندار گه ایتیشیچه، مذکور ییغینده قریب ۲۰ مملکت و ۳۰ خلق‌ارا نهاد نماینده‌لری اشتراک ایتیشی ممکن، بو ییغینده افغانستان وضعیتی و باشقه مسئله‌لر بحث گه آلینیشی کوتیله‌دی.
احمدضیا تکل نینگ ایتیشیچه: «منطقه و خلق‌ارا مملکت‌لر، افغانستان وضعیتی و اقتصادی ترقیاتینی تیکشیریش مقصدیده ییغین اوتکزه‌دیلر. انشاء‌الله اسلامی امارت، مذکور ییغین افغانستان ترقیاتی و آبادانچیلیگی اوچون یخشی نتیجه بیریشیدن خورسند دیر.»
بیزلرنینگ فیسبوک صحیفه‌میزگه باش اورینگ!
شو بیلن بیرگه، ایش بیلرمان‌لر تاشکینت ییغینی خصوصیده ایریچه فکر بیلدیره‌دیلر.
ایش بیلرمان نصرت‌الله حقپال نینگ سلام‌وطندار گه ایتیشیچه، اوزبیکستان آمریکا و چین نینگ مخصوص غایه‌لری اوچون ییغین‌لرنی اوتکزه دی که عمل ده مهم نتیجه بیرمه‌یدی.
اونگه کوره، اوزبیکستان امنیتی نقطه‌ی نظردن افغانستان تامانیدن خواطرده دیر و بو ییغینده اسلامی امارت رسمی‌لری نینگ ایشانچینی قولگه کیریتیشنی ایسته‌یدی.
جناب حقپال گه کوره، اوشبو ییغین و باشقه موردلرگه قره‌گنده، آمریکا اسلامی امارت گه قرشی اوز سیاستینی آلغه آلیب باره‌دی و اسلامی امارت نی باسیم آستیده قرار بیریشنی ایسته‌یدی. باشقه تاماندن اسلامی امارت حکومتی ضعیف بولیشنی ایستمه‌یدی، چونکه باشقه ایشلر و باشقه مملکت‌لر گه مراجعت قیلیشیدن قورقه‌دی.
ایش بیلرمان نصرت‌الله حقپال نینگ ایتیشیچه: «اسلامی امارت رسمیت گه تانیلیشی مقصدیده سعی و حرکت قیلماقده، تحریم‌لر و باشقه موردلر بو گَل ییغین‌لرده حل بولمه‌یدی. انسان پرورلیک یاردم‌لر بیریلیب و بو کبی ییغین‌لر اوتکزیلیشیدن ایشانچ بیلدیریله‌دی.»
بیزلرنینگ توییترده هم تعقیب قیلینگ!
عین‌حالده، سیاسی ایش بیلرمان محب‌الله شریف، افغانستان وضعیتی گه دایر خلق‌ارا ییغین‌لرنی افغان‌لر اونیمیگه دیب ایتیشیچه، اوشبو ییغین‌لر تیزلیک بیلن نتیجه بیرمه گنده‌هم، اوزاق مدت ده نتیجه بیریشی ممکن.
اونگه کوره، تاشکینت ییغینی کبی خلق‌ارا ییغین‌لرده افغان‌لر نماینده‌لیگیدن اشتراک ایته‌دیگنلر، مملکت‌لر نینگ خواطری گه مثبت جواب قیتیرگن تقدیرده، مثبت نتیجه‌سی بولیشی ممکن.
اونگه کوره: «افغانستان نینگ آبادانچیلیگی و ترقیاتی اوچون کوتاریله دیگن آدیم‌لردن مین یینه هم خورسندمن. ییغین‌لرنی واقعی اجنداسی بولیب و ایکی تمانلمه حرمت و تعامل اساسیده بولیشی کیره‌ک. بو منفعت گه دیر و منفعتی ایسه نهایت بیللی بوله‌دی.»
افغانستان وضعیتی خصوصیده تاشکینت ییغینی عین‌حالده اوتکزیلماقده که، بوندن آلدین باشقه قطار مملکت‌لرده بو گَل ییغین‌لر اوتکزیلگن ایدی، بیراق افغان‌لر نینگ قیینچیلیکلری حلی اوچون حاضرگه قدر ییترلیچه نتیجه بیرمه‌گن.
