افغانستان سرپرست حکومت ملی مدافعه وزیرلیگی بوگون (۶-سنبله، سه‌شنبه) اۉزبېکستان پایتختی تاشکینت شهریده امریکا ایلچیسی نینگ افغانستان سابق حربی کوچلری نینگ حربی اوچاق‌لری اۉزبېکستانده قالیش بیاناتی گه مناسبت بیلدیریب، اۉزبېکستانده افغانستان حربی اوچاق‌لری و تیک‌اوچرلری ساوغه قیلینیشی قبول قیلینمسلیگی حقیده آگاه‌لنتیرگن.
بو وزیرلیک نینگ کوپه‌یتیریشیچه، امریکا قۉشمه ایالتلری افغانستان خلقی گه عاید نرسه‌لرنی «ساوغه و مصادره» قیلیش گه هېچ حقی یوق دیر.
بیزلرنینگ فیسبوک صحیفه‌میزگه باش اورینگ!
اسلام امیرلیگی مدافعه وزیرلیگی، اۉزبېکستان دولتیدن بوتوغریده هر قنده‌ی معامله قیلیش دن واز کېچیب و قۉشنی‌چلیک اساسیده عقللی قرار قبول قیلیب و افغانستان هوا کوچلری گه عاید اوچاق‌لر نینگ تاپشیریش خصوصیده همکارلیک قیلیشینی سۉره‌گن.
اۉزبېکستان یېتکرمه‌لری اۉتگن کون امریکا قۉشمه ایالتلری نینگ اۉزبېکستانده‌گی ایلچیخانه‌سی دن نقل قیلیب، امریکا افغانستان سابق اردوسی نینگ حربی اوچاق‌لری بو مملکت ده قالیشی اوچون اۉزبېکستان دولتی بیلن کېلیشگنیدن خبر بیرگن.
امریکا نینگ اۉزبېکستانده ایلچیسی جاناتان هنیک، تاشکینت و واشنگتن افغانستان سابق اردوسی نینگ حربی اوچاق‌لری اوستیده کېلیشگنینی معلوم قیلگن.
بیزلرنینگ «ایکس» ترماغی ده هم تعقیب قیلینگ!
بو کېلیشوو اساسیده، افغانستان نینگ ۴۶ حربی اوچاق و تیک‌اوچری اۉزبېکستانده قاله‌دی.
اۉزبېکستان رسمی‌لری ۲۰۲۱-ییل ۱۵-آگست کونی، افغانستان قوراللی کوچلری نینگ ۲۲ حربی اوچاقی و ۲۴ تیک‌اوچری اۉزبېکستان نینگ هوا حریمی گه کېرگنینی اعلام قیلگن اېدیلر.
