تخار ولایتی ینگی‌قلعه تومنیده بیر عایله، سلام‌وطندار گه یوللـه‌گن عکس‌لری بیلن ایتیشیچه، مذکور عایله نینگ ۱۵ یاشر بیر فرزندی بیر ییل دن بویان ایران نینگ فارس ولایتیده چوپان‌لیک قیلیب کیلماقده ایدی، شفقت‌سیز روشده اولدیریلگن. «رامین» اسملی مذکور ییگیت نینگ عایله اعضالری گه کوره، او یک‌شنبه کیچه، ۷ جوزا، ایران نینگ فارس ولایتی «مرودشت» منطقه‌سیده ناتانیش کیشی‌لر تامانیدن اولدیریلگن.
افغان‌تور دولتی کمپنیه مسئوللری نینگ ایتیش‌لریچه، قریب ایکی ییل جریانیده، تورت مینگ‌دن آرتیق خارجی سیاح، تاریخی آبده‌لر و افغانستان نینگ طبیعی منظره‌لرینی کیلیب کورگن.
مملکت‌ده ایش فرصتلری یوقلیگی و ایش‌سیزلیک سبب، تحصیل قیلگن ییگیت‌لردن قطاری، ایش تاپیش و عایله خره‌جتی نی تامین‌لش اوچون باشقه مملکت‌لر گه مهاجر بولیش گه مجبور بولگنلر. شونده‌ی بیرحالده، طبیات بولیمی نی بیتیرگن بلخ یشاوچیسی سید‌انور نینگ سلام‌وطندار گه ایتیشیچه…
مملکت تشقی ایشلر وزیرلیگی سوزلاوچیسی نینگ اورین باسری ضیااحمد تکل، بوگون (چهارشنبه، ۳ جوزا) اوز توییتری ده، بلغارستان ده بیر کانتینر ایچیده هلاک بولگن افغانستان‌لیک ۱۸ مهاجر نینگ جسدی، اوچ آی دن کیین افغانستان گه انتقال بیریلگنیدن خبر بیرگن.
پاکستان میدیالری نینگ معلوماتی اساسیده، آصف‌علی درانی افغانستان ده اوشبو مملکت نینگ مخصوص نماینده‌سی اوله‌راق ایتیب تعینلنگن.
ایرنا آژانسی نینگ معلوماتی اساسیده، علی سلاجقه دوشنبه کونی، ۱ جوزا، ایران نینگ البرز ولایتیده اوتکزیلگن ییغیلیش ده، هلمند حق‌آبه‌سی جنجلی باره‌سیده ایتیشیچه، ایران جمهور باشلیغی شخصاً اوزی اوشبو موضوع گه اره‌لشیب و اوتگن کونی اسلام امیرلیگی رسمی‌لری بیلن بوتوغریده بحث ایتیلگن.
امریکا نینگ زلزله‌نی انیقلش مرکزی گه کوره، بوگون (دوشنبه، ۱ جوزا) افغانستان، تاجیکستان وپاکستان نینگ ایریم حدودلریده ۴.۹ درجه ریشترلیک زلزله یوز بیرگن.
ینگی‌لیکده، بیرلشگن ملت‌لر تشکیلاتی نینگ باله‌لردن حمایت قیلووچی صندیغی (یونیسف)، اوشبو میلادی ییل ده افغانستان ده ایکی میلیون ۳۰۰ مینگ باله توییب آوقات‌لنمسلیککه چلینیب و اولر ارا ۸۷۵ مینگ باله تیز دوالنیش گه ضرورت تاپیشی ممکن دیگن.
اسلام امیرلیگی، افغانستان ده حربی تشکیلات و بنگی‌وار ماده‌لر قاچاقی کوچه‌یشی گه دایر روسیه نینگ اکادمی علوم_علمی و تحلیلی اطلاعات مرکز باشلیغی نیکولای پلوتنیکف نینگ خواطری گه جواب ایتیشیچه، اسلام امیرلیگی هیچ بیر مملکت بیلن قرشی ایمس و حسابات‌لری اساسیده، مملکت نینگ خوفسیزلیک نیازلرینی تأمینله‌ماقده دیر.
خلق‌ارا آزیق-آوقات دستوری (WFP)، افغانستان ده کم‌بغل کیشی‌لر سانی کوپه‌یگنی خصوصیده خواطر بیلدیریب ایتیشیچه، حاضر ایسه اوشبو مملکت‌ده ۲۰ میلیون گه یقین کیشی نینگ ییترلی آزیق-آوقات گه قول تاپه آلمسلیگی سبب، کوپینچه پیت کیچه‌لر نی آچلیک بیلن اوتکزه‌دیلر.
تورکمنستان تشقی ایشلر وزیرلیگی، افغانستان گه کییم_کیچک و طبی یاردم یوباریلگنیدن خبر بیرگن. مذکور وزیرلیک جمعه کونی، ۲۲ ثور، بیر اعلامیه آرقه‌لی ایتیشیچه، افغانستان گه ۱۲۰ تُن طبی اوسکونه و کییم_کیچک یوبارگن.
بوگون مفید لوژستیکی گروپ، هوایی کریدور آرقه‌لی سوداگرلیک توارلر انتقالی خصوصیده آسایشته‌لیک ایجاد بولیش مقصد، هوایی بیر کارگو نی فایده‌لنیش گه تاپشیرگن. اوشبو شرکت مسئوللریدن بیری عبدالکریم عارفی نینگ ایتیشیچه، بوندن سونگ سوداگرلیک توارلر عمده و پرچون شکلده افغانستان‌دن فرقلی خره‌جت بیلن صادر قیلینیشی ممکن.
جمهورلیک ریاستی سرای (ارگ) اوز توییتری ده، جمعه کیچه، ۲۲ ثور، قطر باش وزیری و اوشبو مملکت تشقی ایشلر وزیری محمد بن عبدالله آل‌ثانی، مذکور مملکت نینگ استخبارات باشلیغی عبدالله الخلیفی و همراه هیاتی، قندهار ده اسلام امیرلیگی باش وزیری محمدحسن آخوند بیلن اوچره‌شگنیدن خبر بیرگن.
پاکستان خوفسیزلیک کوچلری آرقه‌لی، مذکور مملکت سابق باش وزیری عمران خان نینگ قولگه آلینگنی‌دن کیین، عمران خان نینگ طرف‌دارلری تامانیدن ناراض‌لیک نمایش‌لر یولگه قوییلیب و اوشبو مملکت سیاسی بحران بیلن روپه‌ره بولگن.
کابل ده بیرلشگن ملت‌لر تشکیلاتی اورین باسرلیک هیأت دفتری (یوناما) نینگ ینگی گزارشی اساسیده، افغانستان میلادی ۲۰۲۲_ییل ده آنه‌لر و چقه‌لاق‌لر نینگ اولیم میزانی کوپ بولگن مملکت تانیلگن. مذکور نهاد گه کوره، افغانستان ده کوپ سانده چقه‌لاق‌لر توغیلیش بیرینچی هفته‌لریده وفات ایته‌دیلر.
مملکت صناعت و سوداگرلیک وزیرلیگی، اوتگن ییلی افغانستان نینگ صادراتی ایکی میلیارد امریکالیک دالر گه ییتگنینی معلوم قیله‌دی. مذکور وزیرلیک بوگون (چهارشنبه، ۲۰ ثور) بیر بیانیه ترقه‌تیب ایتیشیچه، سوداگرلر گه قولی‌لیک یره‌تیش مقصدیده سعی‌وحرکت قیلماقده‌لر.
