سوریه اردوسی، حلب شهری شرقیده جایلشگن دیرحافر منطقهسیده کُردلر رهبرلیگیده سوریه دمکراتیک کوچلریگه قرشی کینگ کولمی حربی عملیاتنی باشلهگن.
خلقارا ییتکرمهلرنینگ بوگون (۲۷-جدی/ ۱۷-جنوری، شنبه)، گزارش بیریشیچه، سوریه اردوسی مذکور عملیاتنی اوتگن کون باشلهگن.
سوریه اردوسی، هجوملرنی باشلشدن آلدین نشانگه آلینهدیگن جایلرنینگ کُرد کوچلری آرقهلی حلب شهری و اونینگ شرقی تومنلریگه هجوم قیلینیش مقصد فایدهلنیب کیلگن حدودلر بولگنیدن آگاهلنتیرگن.
سوریه دمکراتیک کوچلری رهبری مظلوم عبدی، کوچلرینینگ فرات دریاسی شرقیگه چیکلنیشینی معلوم قیلگن. اونگه کوره، بو قرار سوریه دولتی توزیلمهسیده کُرد اردوسینینگ قوشیلیشی اوچون ۱۰-مارچدهگی تعهد دایرهسی و واسطهچی مملکتلر ایستهکلری اساسیده، آلینگن.
سوریه ساغلیقنی سقلش وزیرلیگیگه کوره، ۲۰۲۵-ییل یکونیگچه عملگه آشیریلیشیگه قرار آلینگن مذکور کیلیشوونینگ اجرا ایتیلیشی کیچیکتیریلگنی، حلب شهریده قانلی توقنشوولرگه سبب بولدی.
بشار اسد حکومتی قولهشیدن کیین، سوریه دولتی بو مملکت بویلب اوز حاکمیتینینگ کوچهیتیریش اوچون سعیوحرکت قیلگن.
