تاجیکستان سوو منبعلری و برق وزیری دلیر جمعه، کیلهسی ایکی ییلگچه «کاسا-۱۰۰۰» برق انتقال بیریش لایحهسینینگ فایدهلنیشگه تاپشیریلیشینی اعلام قیلگن.
او اوتگن کونی خبری بیر ییغیلشده ایتیشیچه، کاسا-۱۰۰۰ لایحهسی منطقهدهگی اینگ بویوک لایحهلردن بولیب و اونینگ فایدهلنیشگه تاپشیریلیشی بیلن تاجیکستان، قرغیزستان، افغانستان و پاکستان بیر بیری بیلن باغلنهدی.
بیزلرنینگ «ایکس» ترماغی ده هم تعقیب قیلینگ!
تاجیکستان سوو منبعلری و برق وزیری گه کوره، اوشبو لایحهنینگ عملی ایشی تاجیکستان و قرغیزستان ده یکونلنیب و افغانستان بیلن پاکستان ده دوامی بار. «بو لایحهنینگ ایشی تاجیکستان و قرغیزستان ده یکونلنیب و پاکستان هم کوپینچه سرعت بیلن آستقورمهلرینی یکونلنتیرماقده. پاکستان ده جاری میلادی ییلنینگ یریمیگچه مذکور لایحه ایشی یکونلنیشی کوتیلهدی.»
بیراق اسلام امیرلیگی سوو و برق وزیرلیگینینگ ایتیشیچه، افغانستان ده کاسا-۱۰۰۰ لایحهسینینگ عملی ایشی باشلنیشی اوچون ضرور تیارگرلیکلر آلینگن و دنیا بانکی آرقهلی مالی حمایت بولگنی صورتده، اونینگ ایشی باشلنیشی ممکن.
مذکور وزیرلیک سوزلاوچیسی قدرتالله عابدنینگ ایتیشیچه: «کاسا-۱۰۰۰ منطقهیی بیر لایحه بولیب و اونینگ ایشی افغانستان توپراغیده ۷۰ فایز بولیب و جهازلریدن ۹۵ فایزی هم محل گه ییتیشگن. بو لایحهنینگ دنیا بانکی آرقهلی مالی حمایت بولگنیده صورتده افغانستانلیکلر اوشبو لایحه ایشینینگ باشلش گه تیار دیر.»
کاسا-۱۰۰۰، تاجیکستان و قرغیزستان دن افغانستان آرقهلی پاکستان گه برق انتقال بیریش اینگ اونملی لایحه بولیب، اونینگ عملگه آشیریلیشی بیلن افغانستان گه ۳۰۰ مگاوات برق اختصاص بیریلیشی ممکن.
اقتصاد وزیرلیگی سوزلاوچیسی عبدالرحمان حبیبنینگ ایتیشیچه، اسلام امیرلیگی افغانستان ده آستقورمه لایحهلرنینگ عملگه آشیریلیشی توغریسیده سعیوحرکت قیلماقده. اونینگ کوپهیتیریشیچه: «مذکور لایحهنینگ عملگه آشیریلیشی بیلن مینگلرچه کیشیگه ایش فرصتلری یرهتیلهدی و ییلده افغانستان گه کوپینچه درآمد کیلهدی؛ اسلام امیرلیگی ییریک آستقورمه لایحهلرنینگ عملگه آشیریلیشی بیلن اقتصادی ثبات و ایش فرصتلری یرهتیلیشی مقصد سعیوحرکت قیلماقده.»
بیزلرنینگ فیسبوک صحیفهمیزگه باش اورینگ!
اقتصادی مسئهلر بیلرمانلریدن قطبالدین یعقوبینینگ ایتیشیچه، کاسا-۱۰۰۰ لایحهسینینگ عملگه آشیریلیشی بیلن افغانستان ده برق خصوصیده بولگن نیازمندلیکلرنینگ بیراز حل بولیشی ممکن. «افغانستان بو لایحهدن کوپینچه فایدهنی آلیشی ممکن. شونینگدیک افغانستان برقسیزلیکدن قوتقریلهدی و ایش فرصتلری یرهتیلهدی. افغانستاننینگ صناعت، برق و کارخانهلریده اوزگریش یرهتیلهدی.»
بوندن آلدین دنیا بانکی، افغانستان اهالیسینی قوللب-قوتلش مقصد، کاسا-۱۰۰۰ لایحهسینینگ عملی ایشی باشلهشینی اعلام قیلگن ایدی.
