«تحریرشام هیئت» رهبرلیگی‌ده سوریه حکومتی‌گه قرشی کوچلری، اوتگن هفته چهارشنبه کونی‌دن بویان، بشار اسد حکومتی کنترولی‌ده بولگن موقعیت‌لرگه آلغه بارماقده و بو مملکت‌نینگ ایکینچی بویوک شهری بولمیش حلب شهرینی ایگه‌لب آلگنلر.
حاضرگچه اوشبو توقنشوولرده ۳۰۰دن آرتیق کیشی هلاک بولگن. سوریه جمهور باشلیغی بشار اسد، ایران و روسیه حمایه‌سی بیلن مخالف کوچلر‌نینگ یوق قیلیشگه سوز بیرگن.
شو بیلن بیرگه روسیه بشار اسد حمایتچی‌سی صفتیده، اوتگن کون ایرته‌لب (۱۱-قوس/ ۱-دسمبر، یکشنبه)، اوتگن سکیز ییل ایچیده بیرینچی مرته حلب شهری‌ده‌گی جنگریلر مرکزلرینی بمباردمان قیلگن.
بیزلرنینگ فیسبوک صحیفه‌میزگه باش اورینگ!
بشار اسد حکومتی‌نینگ باشقه حمایتچیلری صفتیده ایران تشقی ایشلر وزیری سیدعباس عراقچی‌نینگ ایتیشیچه، مملکتی سوریه و بو مملکت حربی‌سیدن حمایت قیله‌دی.
امریکا ملی خوفسیزلیک کینگشی سوزلاوچیسی شان ساوت، بیر بیانیه آرقه‌لی ایتیشیچه، امریکا سوریه حکومتی‌گه قرشی کوچلری عملیاتی‌ده هیچ قنده‌ی اورنی یوق؛ بیراق وضعیت‌نی یقین‌دن تیکشیریب و بو توغریده منطقه مملکت‌لری بیلن علاقه‌ده دیر.
عین حالده، خلق‌ارا رابطه‌لر بیلرمانلری حاضرگی وضعیت‌گه اشاره قیلیب و تاکید قیلیشلریچه، منطقه و دنیا قدرت‌لری‌نینگ سوریه گه اره‌لشی، وضعیت‌نینگ یامان‌لشتیریشی ممکن.
بو توغریده خلق‌ارا رابطه‌لر بیلرمانی سیال وردک‌نینگ ایتیشیچه: «اورته شرق و منطقه بویلب اوزگریشلر اورته گه کیلیب و منطقه‌ده اوروشلر بار. اوروشلر یکون‌لنیشی و ییچیم یول تاپیلیشی اوچون حکومت‌لر باشقه تامانلر بیلن اولتیریب و اوزلری ییچیم یول تاپیشلری کیره‌ک که تینچ شکلده تینچ اهالی‌نینگ اولدیریلیشی آلدی آلینسه.»
باشقه بیر قطار بیلرمانلر‌نینگ ایتیشلریچه، سوریه حکومتی برابریده نیچه قورالی مخالف گروه فعال دیر و بو وضعیت اوشبو مملکت‌ده ایچکی بحران و وضعیت‌نینگ یامان‌لنیشی گه سبب بولگن.
بیزلرنینگ «ایکس» ترماغی ده هم تعقیب قیلینگ!
خلق‌ارا رابطه‌لر بیلرمانلریدن باشقه بیری محمد‌صیام حلیم‌نینگ ایتیشیچه، اورته گه کیلگن بحران‌نینگ باشقریش بشار اسد حکومتی و متحدلری اوچون قیین دیر. «سوریه‌ده قرشی‌لیکلر‌نینگ اورته گه کیلگنی بیرحالده، حکومت برابریده آلتی مخالف گروه فعال دیر. اینیقسه ۲۰۱۱-ییل و ایچکی بحران‌دن کیین فکرمچه سوریه، روسیه و ایران کبی اتفاق‌ده بولگن مملکت‌لر اوچون بو بحران باشقریلیشی‌نینگ قیین بولیشی ممکن. روسیه اوکراین‌ده مصروف و شونینگدیک ایران انرژی‌سی هم تورلی جبهه‌لرده تحلیل‌گه کیتگن.»
تحریر شام هیئتی، سیاسی و حربی بیر گروه دیر که بوندن آلدین القاعده گروه‌لری‌نینگ شاخه‌لریدن ایدی و کیین ایسه، القاعده بیلن رابطه‌سی‌نینگ کیسگنی نی اعلام قیلگن. منطقه و سوریه ایچیده تورلی گروه‌لر تحریر شام هیئتی‌دن حمایت قیله‌دیلر.
حاضر ایسه بشار اسد حکومتی‌گه قرشی جنگریلر رهبرلیگی تحریر شام هیئتی قولیده و باشقه گروه‌لر اتفاقچی‌لیگیده سونگی یوتوقلرگه ایریشگن.
