یېتکرمهلرنینگ معلوماتیگه کوره، قزاقستاننینگ آلماتا شهریده جایلشگن بیلیم یورتلردن بیریده بیر طلبه، استاد گه پیچاق بیلن هجوم قیلگن.
یېتکرمهلرنینگ معلوماتیگه کوره، واقعه توغریدن توغری بیلیم یورت حدودیده یوز بیرگن. اوشبو هجومده عادی پیچاقدن فایدهلنیلگنی ایتیلگن. واقعه جاییدن آلینگن ویدیولر هم کېنگ محاکمهلر گه سبب بولگن.
قزاقستان حقوق-ترتیبات ارگانلری حالت یوزهسیدن درحال تېکشیرو ایشلرینی باشلهگن. دستلب مجرم قیدیرو گه بیریلگن بولسه، کیینچهلیک او قولگه آلینگنی و حاضرده حبسده سقلنهیاتگنی معلوم قیلینگن.
عینی پیتده، جنایت ایشی قوزغهتیلیب، تیرگاو حرکتلری آلیب باریلماقده. هجوم سببلری، طلبه بیلن اوقیتووچی اورتهسیدهگی مناسبتلر همده واقعهنینگ باشقه تفصیلاتلری انیقلنماقده.
رسمی منبعلر جبرلنگن اوقیتووچی احوالی حقیده حاضرچه معلومات بیرمهگنلر. قوشیمچه تفصیلاتلر تیرگاو یکونیدن سۉنگ اعلان قیلینیشی ایتیلگن.
