تکنالوزی و دیجیتال اوسکونهلرینینگ کوندهلیک حیات گه چقور کیریب کېلیشی، بالهلرنی تربیهلشنینگ عنعنوی اصوللری جملهدن ایرتک اېتیش اهمیتینی کمهیتیرگن. عینحالده، بیر پیتلر بوویلرنینگ ایلیق آوازی و اورگهتیش حکایهلری، بعضن اېسه افسانهوی کیچکی ایرتکلری، بالهلرنینگ اجرهلمس قسمی اېدی، اما حاضر اېسه بو اوریننی تلفونلرنینگ ساووق صفحهلری ایگللب آلگن.
بیر بار اېدی، بیر یوق اېدی؛ ماوی آسمان آستیدهگی یورتده بوویلرینینگ ایرتکلری بیلن آرزو قیلهدیگن و سیکین اوخلب یاتهدیگن بالهلر یشر اېدی.
اوشبو بووی، حاضرگی کونده کوپلب بالهلر هوشمند تلفونلر گه بیریلیب قالگن پیتده هنوز هم نبیرهلری اوچون ایرتکلر اېتیشده دوام اېتماقده. او، ایرتکلر اولادلر آرهسیده کوپریک وظیفهسینی بجریش گه ایشانهدی.
لېکن بوگونگی دنیانینگ قیینچیلیکلری کوپلب بالهلرنی بو ایرتکلرنی ایشیتیشدن محروم قیلماقده. تورلی باسیملر آستیده بولگن عایلهلرنینگ بیر قسمی فرزندلری بیلن بیرگه بولیش اوچون یېترلی وقت تاپالمسلیگی، بالهلر هوشمند تلفونلردن فایدهلنیش گه مجبور بولیشلری گه سبب بولگن.
بالهلرنینگ هوشمند تلفونلر گه باغلیق بولیشیگه کوپلب سببلر بار، اما آته-آنهلر توغری نظارت و باشقرو آرقهلی فرزندلرینینگ اوشبو نرسهلر گه قرهملیگینی کمهیتیریشلری ممکن.
بیزلرنینگ فیسبوک صحیفهمیزگه باش اورینگ!
نبیلا مهران، اۉز فرزندلری اوچون هوشمند تلفونلردن فایدهلنیشنی چېکلش گه حرکت قیلهیاتگن آنه. او اۉز تجربهلری حقیده شوندهی حکایه قیلهدی: «سۉنگی ییللرده، فرزندلریم کوپلب زمانهوی بالهلر سینگری هوشمند تلفونلر گه قیزیقیش بیلدیرهیپتی اینیقسه ویدیو کوریش یا که اویین اوینش اوچون. مین فایدهلنیشنی چېکلب و نظارت آستیده سقلش گه حرکت قیلگن من.»
هوشمند تلفونلردن فایدهلنیش وقتنی کمهیتیریش بیلن بیرگه، مقابل ورینتلرنی تقدیم اېتیش هم بالهلرنینگ ساغلیگیگه ایجابی تأثیر کورسهتیشی ممکن. بو ورینتلردن بیری ایرتک اېتیش یا که نقالچیلیکدیر؛ بو نهفقط اویین-کولگو صفتیده بلکه بالهلرنینگ عقلی کونیکمهلرینی رواجلنتیریش اوچون هم فایدهلی دیر.
بالهلر تربیهچیلریدن بیری مریم محمدی، بو حقده شوندهی دیېدی: «ایرتک ایتیشده هېچ قندهی ایشیتیش یا که کوریش چېکلاوی یوق. بو اصول کوپراق آغزهکی طرفلر گه اساسلنگن بولیب، نتیجهده بالهنینگ تصور قابلیتینی آشیرهدی. چونکه ایرتک ایتیش کوپراق تینگلاوچینینگ تصوری گه تینهدی.»
روانشناس فنینینگ نقطهی نظریگه کوره، «بالهلرده تصویر یرهتیش کونیکمهسینینگ رواجلنیشی، اولرنینگ توشینچهلرنی انگلش و قیته ایشلش جریانینی آسانلشتیریشی ممکن.
بیزلرنینگ «ایکس» ترماغی ده هم تعقیب قیلینگ!
بالهلر روانشناسی رضوانه رحیمی گه کوره: «بو کونیکمه بالهلرنینگ خاطرهسی و دقتینی کوچهیتیریش گه یاردم بیرهدی همده اولرنینگ تیل کونیکمهلرینی رواجلنتیرهدی.»
بوندن تشقری، نقاللیک اجتماعی جهتدن مقبول دایرهده قدریتلر و اخلاقی تمایللرنی یېتکزیشنینگ ثمرهلی واسطهسی حسابلنهدی. یازووچی و یازووچیلیک بوییچه مربی نصیر مهراسنینگ ایتیشیچه، بو ایرتکلر «ایجابی جهتلر گه ایگه بولیشی ممکن» چونکه اولر اۉز ضمیریده بالهلر و باشقهلر گه عبرت و نصیحت بیرهدی.
شو بیلن بیرگه، ادبیات استادی، شاعر و یازووچی فرخنده عیارنینگ ایتیشیچه، ایرتک ایتیش قرآن اساسیده، «اسلامی جهتلرده هم چقور اورین ایگللهگن.» اونینگ ایشانچی گه کوره، ایرتک ایتیش «اوقیتیشنینگ اېنگ یخشی واسطهلریدن بیری دیر.»
اونگه کوره: «ایرتک ایتیش قدریتلرنینگ بیر اولاد دن باشقهسیگه اوتیشنی تأمینلب کېلگن. بو ادبیات و عرف-عادتلر تاریخینی اولادلر آرهسیده اوزهتیش گه خذمت قیلگن. کوپلب قدیمی ایرتکلر فقطگینه هاردیق اوچون اېمس اېدی. بو ایرتکده قندهی کتّه سباق یشیرینگن اېکن.»
شاووقین-سورانگه توله دنیا ده، تلفون، تبلیت، تلویزیون و تینیمسیز بندلیکلر آرهسیده، احتمال نقاللیکنینگ رواجلنتیریش بالهلر گه ېنه بیر بار آسایشتهلیک تحفه اېته آلیشی ممکن. بو بلکه بالهلرینگیز گه عادی بیر ایرتک ایتیب بیریش آرقهلی، سیزنی هم بیر نیچه لحظه گه ایرتکلرنینگ معجزهوی عالم گه آلیب باریشی ممکن.
