غور ولایتی مرغاب تومنی‌ده سوو تاشقینلریدن زیان کورگن ۴۵۰ عایله‌دن بیری بولمیش ۶۴ یاشر سیداعظم، تورت آی‌دن بویان مذکور ولایت مرکزی فیروزکوه شهری نینگ شرقی‌‌ده جایلشگن «پشته گامورک» منطقه‌سی گه آواره بولیب و بیش کیشی‌لیک عایله‌سی بیلن چادرلر آستیده حیات کیچیرماقده.
سیداعظم نینگ ایتیشیچه، اوی، ایکینچیلیک ییرلری و باغ‌لرینی سیل آلیب کیتگن و حاضر ایسه قیش موسومی ییتیب کیلیشی بیلن، اوی، سوو، آزیق-آوقت و کییم-کیچک یوقلیگی سبب، خواطرلنگنلر. «قیین‌چیلیگیمیز کوپ. آزیق-آوقت و ایچیم‌لیک سوو خصوصیده قیین‌چیلیگیمیز بار. باله‌لریمیز کسل و بیر لقمه نانی‌میز یوق. اویی‌میز یوق. بیزلر گه اوی قوریلیشی اوچون هیچ کیم توشینمه‌ی و توجه قیلمه‌یدی.»
بیزلرنینگ فیسبوک صحیفه‌میزگه باش اورینگ!
باشقه بیر تاماندن، غور ولایتی مرغاب تومنی‌ده یوز بیرگن سوو تاشقین‌لری طفیلی آواره بولگنلردن باشقه بیر قطاری آگاه‌لنتیریب و ایتیشلریچه، اولر نینگ دستلبکی نیازلری گه توجه بولمه‌گنی صورت‌ده، کیله‌سی قیش‌ده انسانی فاجعه نینگ یوز بیریشی ممکن.
آواره بولگنلردن برهان‌الدین نظری نینگ ایتیشیچه: «هر نرسه‌دن مهم‌راق اوی دیر. غور ولایتی نینگ قیش موسومی کوپ ساووق. قیش موسومی هم ییتیب کیلماقده، قیغو بیلن کیچه‌لر چادرلر آستیده حیات کیچیره‌میز. اسلام امیرلیگی و یاردم بیرووچی نهادلردن، اوی قوریلمسه هم قیش موسومی‌ده تلف بولمسلیگیمیز اوچون بیر ییر نظر گه آلینیشینی ایسته‌یمیز.»
شونینگدیک آواره بولگنلردن باشقه بیری خدابخش نینگ ایتیشیچه: «بوگونلر هر نرسه گه نیازیمیز بار، آزیق-آوقت و کییم-کیچگ بولسه، چونکه نیازیمیز بار. کیچه‌لر کوپ ساووق، هیچ جای هم یوق که او ییرگه کیتسه‌ک.»
شونینگدیک سوو تاشقینلریدن زیان کورگنلر نینگ کوپه‌یتیریشلریچه، اوتگن هفته یوز بیرگن یامغیرلر و بورانلر، اولر نینگ چادرلریدن کوپینچه‌سینی خراب قیلگن.
بیزلرنینگ «ایکس» ترماغی ده هم تعقیب قیلینگ!
بیراق غور محلی مسئوللری نینگ ایتیشلریچه، پشته گامورک آواره‌لر کمپی‌ده اسلام امیرلیگی آرقه‌لی ۲۰ میلیون افغانی ارزشی بیلن ۱۰۰ اوی نینگ قوریلیش ایشی دوام قیلیب و اولردن ۹۵ فایزی نینگ ایشی یکونلنگن.
غور حاکمی سوزلاوچیسی عبدالواحد حماس نینگ ایتیشیچه: «سوو تاشقینلریدن زیان کورگنلر پشته گامورک کمپی‌ده حیات کیچیرماقده. بو توغریده سعی‌وحرکت بولگن و اسلام امیرلیگی ۱۰۰ یشش اوی نی قورگن که اولردن ۹۵ فایز نینگ ایشی یکونلنگن و اینگ یقین‌ده مستحق بولگن آواره‌لر او ییرگه جایلشتیریله‌دی و شونینگدیک UNDP دفتری تامانیدن باشقه ۱۰۰ اوی تورت تومن‌ده قوریله‌دی. قالگن کیشی‌لر گه ایسه اوی‌لر نینگ وقتینچه‌لیک شکلده کرایه بیریلیشی و شونینگدیک یاردم بیرووچی نهادلر آرقه‌لی دایمی یاردم‌لر صورت تاپیشی گه سعی‌وحرکت بولگن.»
شونینگدیک غور محلی مسئوللری نینگ ایتیشلریچه، یاردم بیرووچی باشقه نهادلر هماهنگ‌لیگی بیلن، اوی یانیده آزیق-آوقت محصولاتی و آواره‌لر نینگ باشقه نیازلری تامین‌لنیشی خصوصیده سعی‌وحرکت قیله‌دیلر.
