سلام‌وطندار نینگ سینماچی ۱۸ عیال بیلن اوتکزگن صحبتی اساسیده، اوتگن ایکی ییل ده جمهوریت توزومی قوله‌شیدن کیین، سینماچی عیاللر اقتصادی و روحی قیین احوال گه دوچ بولیب و خوفسیزلیک تهدیدلر بیلن روپه‌ره بولگنلر. مذکور سینماچی ۱۸ عیال دن حاضر سکیزته‌سی افغانستان ده دیر ایتیشلریچه، اوتگن ایکی ییل ده اقتصادی و روحی قیینچیلیککه دوچ بولگنلر.
۴۰ ییل سینماده ایشله‌گن نفیسه نفیس، اقتصادی احوالیدن نالیب ایتیشیچه، اوتگن ایکی ییل ده کمبغل‌لیک دن عذاب چیکماقده دیر. او نینگ سرپرستی یوق و هنری فعالیت‌لری آرقه‌لی درآمدی بیلن عایله اعضالری نینگ نیازلرینی تأمین‌لر ایدی.
نفیسه نینگ کوپه‌یتیریشیچه: «۴۰ ییل سینما ده ایشله‌گن‌من. افغانستان ده قورقینچ بیلن حیات کیچیرماقده من، بیوه بیر عیال من، اوی سرپرستی من و اقتصادی لحاظ دن قیینچیلیک بیلن دوچ من. حکومت دن قولیمیزده‌گی ایشنی آلمسلیگینی ایسته‌ی من، اقتصادی احوالیمیز یخشی ایمس مجبورلیک دن ایشلر ایدیم.»
آلتی ییل سینما صنعتیده ایشله‌گن افغان سینماچیلریدن باشقه بیری بهار همدرد، جمهوریت توزومی دن کیین اقتصادی احوالیدن شکایت قیلیب ایتیشیچه، کمبغل‌لیک و اولر گه یره‌تیلگن چیکلاولر باعث روحی قینچیلیک بیلن دوچ بولگن.
اونگه کوره: «آلتی ییل دن بیری سینما ده فعالیت قیلماقده من. اسلام امیرلیگی حاکمیتیدن کیین هنری فعالیتی‌میز یوق. تیاتر بولیمیده اصلا فعالیت یوق. سینماچیلر اقتصادی قیینچیلیک بیلن روپه‌ره‌لر. هنر آرقه‌لی حیات کیچرر ایدیک، حاضر روحی قیینچیلیک بیلن دوچ میز.»
حاضر مملکت ده تیریکچیلیک قیلیب کیله‌یاتگن سینماچی سکیز عیال دن اوچ ته‌سی، خوفسیزلیک تهدیدلر باعث اوی‌لریدن چیقه آلمسلیک‌لرینی ایتگنلر.
حاضر قندهار ده تیریکچیلیک قیلیب کیله‌یاتگن عیال سینماچیلریدن تهمینه احمدزی نینگ ایتیشیچه، جمهوریت توزومی قوله‌شیدن کیین، ایش گه باریش اجازه‌سی یوق و اوتمیش ده‌گی هنری فعالیت‌‌لریدن قورقیب اوی دن چیقه آلمه‌یدی.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «۲۰۱۰_ییل دن بیری سینما ده فعالیت قیلماقده‌من، کوپراق قندهار ده فعالیت قیلگن‌من. اسلام امیرلیگی حاکمیتیدن کیین برچه فعالیت‌لریمیز توخته‌دی. حاضرگی شرایط قیین دیر، حتا جمهوریت توزومی ده بولگن ایش جایی گه باره آلمه‌یمیز. چیت ایل ده‌گی سینماچیلردن افغانستان ده قالگن سینماچیلرنی قوللب_قوتلش‌لرینی ایسته‌یمیز. بوگون‌لیک کونده حتا اوی دن چیقه آلمه‌یمیز.»
عین‌حالده، اوتگن ایکی ییل ده مملکت نی ترک ایتگن سینماچی عیاللردن بیرقطاری، خوفسیزلیک تهدیدلر، سینما و تیاتر ده فعالیت قیله آلمسلیک و اقتصادی قیینچیلیک نی، مهاجرت قیلیش دلیلی عنوان قیله‌دیلر.
اوشبو گزارش ده صحبت بولگن ۱۸ سینماچی عیال ارا، سونگی ایکی ییل ده افغانستان نی ترک ایتگن ۱۰ سینماچی عیال دن بیرته‌سی پاکستان، بیرته‌سی فرانسه و باشقه سکیزته‌سی ایران ده مهاجر بولگنلر. اولر، سینما و تیاتر ده فعالیت قیلیش اوچون خوفسیزلیک تهدیدلر و اقتصادی قیینچیلیک نی مملکت نی ترک ایتیش دلیلی عنوان قیله‌دیلر.
سینما و تیاتر صنعتیده ۴۰ ییل ایشله‌گن و حاضر فرانسه گه مهاجر بولگن یاسمین یارمل نینگ سلام‌وطندار گه ایتیشیچه، سرپرست حکومت حاکمیتیدن کیین خوفسیزلیک تهدیدلر باعث افغانستان نی ترک ایتگن.
او نینگ کوپه‌یتیریشیچه: «سینما و تیاتر ده ۴۰ ییل دن کوپ ایشله‌گن من و اسلام امیرلیگی حاکمیتیدن کیین مهاجر بولدیم. مملکت نی ترک قیلیشنی ایستمس ایدیم کوپ قیغو_الم بیلن قاچیش نی اوستون قرار بیردیم. کیتمه_کیت تهدید بولدیم.»
خانم یارمل گه کوره، سینما ده ایشله‌یدیگن کوپ سانده عیاللر عایله سرپرستی دیر. اولر ارا ایران ده باش پنه ایزلب بارگن سینماچی عیال مرضیه عزیزی دیر. اونگه کوره، خودکش هجوم ده تومورش اورتاغینی قولدن بیریش دن کیین، اقتصادی قیینچیلیک باعث سینما صنعتی گه یوز کیلتیریش گه مجبور بولگن؛ بیراق مملکت ده سونگی سیاسی اوزگریش دن کیین خوفسیزلیک تهدیدلر و اقتصادی قیینچیلیک باعث، ایران گه مهاجر بولگن.
مرضیه نینگ کوپه‌یتیریشیچه: «۱۷ ییل سینما ده ایشله‌گن من، تورموش اورتاغیم خودکش هجوم ده هلاک بولدی، تورلی خیل تهدید بولیب و ایران گه مهاجر بولیش گه مجبور بولدیم. ایشله‌شیم کیره‌ک، عایله سرپرستی اوزیم من. بیز یالغیز تیریک‌میز، ایران ده تیریکچیلیک قیلمه‌یمیز.»
پاکستان ده تیریکچیلیک قیلیب کیله‌یاتگن افغانستان‌لیک سینماچی لیلا همدرد نینگ ایتیشیچه، ایش‌سیزلیک طفیلی روحی قیینچیلیک بیلن روپه‌ره بولگن.
اونگه کوره: «۲۴ ییل سینما و تیاتر ده ایشله‌گن‌من و حاضر پاکستان ده تیریکچیلیک قیلماقده من. کوپ سانده عیاللر عایله سرپرستی دیر و حاضر ایش‌سیزلر. پاکستان ده مهاجر من، هیچ درآمدیمیز یوق. ایش‌سیزلیک طفیلی روحی قیینچیلیککه چلینگن من.»
باشقه تاماندن، جمهوریت توزومی ده افغان‌فلم باشلیغی صحرا کریمی نینگ سلام‌وطندار گه ایتیشیچه، اوتگن ۲۰ ییل ده، افغانستان سینماسیده عیاللر نینگ حضوری کورکملی ایدی؛ بیراق رژیم اوزگریشی و سینماچی عیاللر گه یره‌تیلگن چیکلاولر باعث، مملکت ده سینما صنعتی یوق بولگن.
او نینگ کوپه‌یتیریشیچه: «اوتگن ۲۰ ییل ده جمهوریت توزومی ده، سینما ده‌گی بویوک اوزگریش‌لردن بیری عیاللر نینگ کورکملی حضوری ایدی. بیر قطار کیشی‌لر فلم یازووچی و دایرکتر بولیب افغانستان خلقی اینیقسه عیاللر نینگ قیینچیلیگینی عکس ایتتیرووچی مهم فلم‌لرنی توزه‌تدیلر. افسوس بیلن رژیم اوزگریشیدن کیین افغانستان نینگ حقیقی سینما صنعتی فلج بولدی.»
بیزلرنینگ توییترده هم تعقیب قیلینگ!
جمهوریت توزومی ده افغان‌فلم باشلیغی نینگ تأکیدلشیچه، اوتگن ایکی ییل ده افغانستان سینماسی صنعتی ده یشاوچیلر تیریکچیلیگینی عکس ایتتیرووچی هیچ فلم توزه‌تیلمه‌گن. او نینگ ایتیشیچه: «اولر سینما دن باشقچه توشینه‌دیلر، یشاوچیلرنی یولدن چیقریشنی اویلشه‌دی؛ بیراق سینما فرهنگ، جمعیت و تاریخی‌میزنی دنیا گه تانیشتیره‌دی. سینما یوق‌لیگی بیر جمعیت نی واقعیت‌لرنی کوریش دن اوزاقلشتیریشه‌دی.»
صحرا کریمی گه کوره، جمهوریت توزومی ده یالغیز ۲۳ و ۲۵ عیال فلم تولید قیلیش ساحه‌سیده ایشلر ایدیلر؛ بیراق مملکت ده سیاسی اوزگریش و خوفسیزلیک تهدیدلر باعث، اولر نینگ برچه‌سی مملکت نی ترک ایتیش گه مجبور بولگنلر.
عین‌حالده، ایچکی ایشلر وزیرلیگی سوزلاوچیسی اورین باسری بسم‌الله حبیب نینگ سلام‌وطندار گه ایتیشیچه، اسلام امیرلیگی حکومتی تامانیدن سینماچی عیاللر گه خوفسیزلیک هیچ تهدید یوق دیر.
اونگه کوره: «ایچکی ایشلر وزیرلیگی برچه صنعتکارلر و سینماچیلر گه، اولر نینگ خوفسیزلیک قیینچیلیگی بولمه‌ی و امنیت‌لری تأمین‌لیگیدن ایشانچ بیره‌دی.»
باشقه تاماندن، معلومات و مدنیت وزیرلیگی نینگ نشرات ایشلری بوییچه معینی حیات‌الله مهاجر فراهی، اوشبو وزیرلیک سینماچی عیاللر گه ایش زمینه‌سینی یره‌تیش اوچون سعی‌وحرکت قیله‌یاتگنیدن ایشانچ بیره‌دی.
او نینگ ایتیشیچه: «رسمی روشده سینماده فعالیتی بولیب و معلومات و مدنیت وزیرلیگی ده ثبت بولگن سینماچی عیاللر نینگ حاضر هم آی‌لیک‌لری توله‌نیله‌دی و او سابق فعالیتی بولگن و حاضر ایش‌سیز بولگن عیاللر؛ چونکه حاضر هر ساحه ده قیینچیلیک بار، معلومات و مدنیت وزیرلیگی اولر گه ایش زمینه‌سینی یره‌تیشیدن ایشانچ بیره‌دی.»
افغانستان ده‌گی عیاللر ایش فرصت‌لری کونسه‌یین محدود بولیب و اسلام امیرلیگی حاکمیتی ایکی ییل‌لیگیده، اولر اساسی حقوق‌لریدن محروم بولگن بیر حالده، معلومات و مدنیت وزیرلیگی مسئوللری سینماچی عیاللر گه ایش زمینه‌سی یره‌تیلیشیدن ایشانچ بیرماقده.
