سمنگان ولایتی کسل‌خانه مسئوللری اوشبو ولایت‌ده ایچ‌کیتمه کسل‌لیگی گه چیلینگن کیشی‌لر سانی کوپه‌یگنی‌دن خبر بیرگنلر.
سمنگان ولایتی کسل‌خانه رئیسی سید‌عثمان حمیدی نینگ ایتیشیچه، سونگی ایکی هفته جریانیده ایچ‌کیتمه کسل‌لیگی گه چلینگن ۱۵۰۹ کیشی، مذکور کسل‌خانه گه درمان اوچون مراجعت قیلگن که، اوشبو کسل‌لردن قطاری دوالنیش‌دن کیین مرخص بولگن. «سرطان آیی نینگ اون کونی جریانیده، ۱۵۰۹ کیشی سمنگان ولایتی کسل‌خانه گه مراجعت قیلگن که، اولردن قطاری بستر و دوالنیش‌دن کیین مرخص بولگن. شونینگدیک بیر قطار کسل‌لر گه نیاز بولگن توصیه‌لر صورت تاپیب و برچه نیاز بولگن نرسه‌لر، رایگان شکلده کسل‌لر خذمتی گه قرار بیریلگن.»
جناب حمیدی، اهالی نینگ پاک ایچیملیک سوو گه قول تاپه آلمسلیگی و قربان هییت بیره‌می‌ده ایت نینگ کوپ مصرف قیلینیشی سبب، اوشبو ولایت یشاوچیلری آره‌سیده ایچ‌کیتمه کوپه‌یگنی عنوان قیلگن.
بیزلرنینگ توییترده هم تعقیب قیلینگ!
شونده‌ی بیرحالده، سمنگان ولایتی کسل‌خانه‌سیده‌گی بستری بولگن کسل‌لردن قطاری نینگ ایتیشلریچه، ناپاک ایچیملی سوولردن قوللنیش سبب، اولر تورلی‌خیل کسل‌لیکلر اینیقسه ایچ‌کیتمه کسل‌لیگی گه چلینگنلر.
سمنگان ولایتی حسن‌خیل قیشلاغی یشاوچیسی بولمیش ۳۲ یاشر خواجه محمد نینگ ایتیشیچه، جدی ایچ‌کیتمه کسل‌لیگی گه چیلینگنی سبب، بستری بولگن. «ایچ کیتمه بولدیم، مین ولایتی کسل‌خانه گه انتقال بیردیلر و اوچ کون‌دن بیری بستری ایدیم و حاضر ایسه یخشی بولگن‌مین.»
بیزلرنینگ فیسبوک صحیفه‌میزگه باش اورینگ!
باشقه بیر تامان‌دن، ایچ‌کیتمه گه چلینگن باله‌لردن بیری نینگ آنه‌سی کامله گه کوره، باله‌سی نینگ وضعیتی جوده‌یم خراب ایکن که، انه شوو سبب، باله‌سی نی کسل‌خانه گه بستری قیلگن و حاضر ایسه قیزی نینگ وضعیتی یخشی‌راق بولگن.
کامله نینگ ایتیشیچه: «قیزیم نی کسل‌خانه گه کیلتیرگنیم پیتده، وضعیتی جوده‌یم خراب ایدی. بو کسل‌خانه گه قیزیم نینگ بستری بولگنی‌دن بیری وضعیتی یخشی بولگن. قیزیم نی کسل‌خانه گه کیلتیرگنیم پیتده اونینگ تیریک بولیب بولمه‌گنی نی بیلمه‌یدیم، چونکه وضعیتی یخشی ایمس ایدی.»
سمنگان ولایتی کسل‌خانه مسئوللری گه کوره، اوشبو ولایت‌ده جدی ایچ‌کیتمه کسل‌لیگی گه چلینگن کیشی‌لردن ۶۰ فایزی نی باله‌لر و ۴۰ فایزی نی کیکسه‌لر تشکیل بیره‌دی.