لبنان ساغلیق‌نی سقلش وزیرلیگی نینگ اعلام قیلیشیچه، مذکور مملکت نینگ بیر قطار بولیم‌لریگه اسرائیل اردوسی آرقه‌لی اویوشتیریلگن هجوملر عاقبتیده، ۱۰۵ کیشی قربان بولیب و ۳۵۹ کیشی ایسه یره‌لنگن.
الجزیره خبری ترماغی نینگ گزارش بیریشیچه، اوشبو کیشیلر سونگی ۲۴ ساعت‌ده اسرائیل ادوسی نینگ لبنان گه اویوشتیرگن هوایی هجوملریده اولیب و یره‌لنگن.
بیزلرنینگ «ایکس» ترماغی ده هم تعقیب قیلینگ!
اسرائیل نینگ اعلام قیلیشیچه، حزب‌الله لبنان نینگ اونلب مکانی نی نشان گه آلگن؛ بیراق لبنان رسمی‌لری گه کوره، اسرائیل اردوسی مذکور مملکت جنوبی‌ده‌گی اویلر و بنالر، بقاع، بعلبک-هرمل شهری و لبنان پایتختی بیروت جنوبی حدودلرینی نشان گه آلگن.
لبنان محلی ییتکرمه‌لری، بوگون ایرته‌لب اسرائیل نینگ بیروت ده جایلشگن «پل‌کلا» منطقه‌سیگه هوایی هجوم اویوشتیرگنیدن خبر بیرگن. مذکور بمباردمان اسرائیل نینگ اوتگن ییلی توقنشوولر باشلنگنی‌دن بویان بو شهرده‌گی بیرینچی هجومی دیر.
شونینگدیک لبنان باش‌وزیری نجیب میقاتی نینگ ایتیشیچه، توقنشوولر باشلنگنی‌دن بویان اوشبو مملکت یشاوچیلریدن ۱ میلیونی آواره بولیب و اسرائیل نینگ دواملی هجوم‌لریدن قورقیب چیگره بولیم‌لرینی ترک قیلگنلر.
بیزلرنینگ فیسبوک صحیفه‌میزگه باش اورینگ!
لبنان ساغلیق‌نی سقلش وزیرلیگی آرقه‌لی ارائه بولگن معلومات اساسیده، اوتگن ایکی هفته‌ده اسرائیل نینگ هجوملری عاقبتیده، بیر مینگ‌دن آرتیق کیشی قربان بولیب و آلتی مینگ کیشی یره‌لنگن.
اسرائیل اردوسی اوتگن ایکی هفته‌ده لبنان نینگ بیر قطار بولیم‌لری اینیقسه بو مملکت نینگ جنوبی گه هوایی هجوملر اویوشتیرگن که نتیجه‌ده، حزب‌الله رهبرلریدن کوپینچه‌سی جمله‌ده بو حزب نینگ باش کاتبی سیدحسن نصرالله قربان بولگن.
