اداری اصلاحات و ملکی خذمتلر اداره‌سی، کابل شهری‌ده ساغلیق‌نی سقلش وزیرلیگی‌نینگ ۴۵۰ تخصصی بستی اوچون رقابتی سیناو اوتکزگن. اوشبو اداره مسئوللری‌نینگ ایتیشلریچه، اوچ‌مینگ ۵۸۵ کیشی بو سیناو گه شرکت قیلیش‌گه ماس تانیلیب، تورتینچی، بیشینچی و آلتینچی بوش بست‌لر گه تعیین‌لنیش مقصد رقابت قیله‌دیلر.
اداری اصلاحات و ملکی خذمتلر اداره‌سی باشلیغی شهزادنور راشد، بو سیناو‌نینگ شفاف‌لیگی‌دن ایشانچ بیرگن. اونینگ کوپه‌یتیریشیچه: «بو سیناو الکترونیکی دیر. سیناو بیرگن کیشی‌لر گه سوزه بیره‌میز که هیچ قنده الده‌ش یوق و انیق شکلده سیناو آلینه‌دی.»
بیزلرنینگ فیسبوک صحیفه‌میزگه باش اورینگ!
شونینگدیک ساغلیق‌نی سقلش وزیرلیگی مسئوللری‌نینگ ایتیشلریچه، بو وزیرلیک کوپینچه مسلکی کدرلر گه نیازی بار و اوشبو وزیرلیک‌نینگ بوش بست‌لری‌ده، شرایط‌گه ماس کوپینچه کیشی‌نینگ آزاد رقابت آرقه‌لی ایشگه آلینیشی ممکن.
ساغلیق‌نی سقلش وزیرلیگی سرپرستی نورجلال جلالی‌نینگ ایتیشیچه، حاضر افغانستان ساغلیق سکتوری تورلی‌خیل قیین‌چیلیک‌لر بیلن روپه‌ره دیر و اونینگ حل قیلینیشی توغریسیده سعی‌وحرکت‌نینگ دوامی بار. «امیرالمومنین بویروغ بیرگن که اداری اصلاحات و ملکی خذمتلر اداره‌سی آرقه‌لی بو اداره گه مسلکی کیشی‌لر شفاف یولی‌دن مسلکی بست‌لر گه آلینسه و حکومت بیلن اهالی آره‌سیده فاصله اورته‌دن کیتسین.»
ایش اداره‌سی‌نینگ انسجام معینی سیف‌الدین طیب، ساغلیق‌نی سقلش وزیرلیگی‌دن بو سیناو‌نی موفق بیر شکلده اوتکزگن کیشی‌لر‌نینگ تبعیض‌سیز شکلده ایشگه آلینیشی نی ایسته‌گن. «کامیاب بولیب و یوقاری نمره آلگن کیشی‌لرنی ملاحظه قیلمس‌دن انتخاب قیلیشلری کیره‌ک. شفافلیک و تقوا‌نی نظرگه آلیشلری کیره‌ک. حقیقتا کد بولگن کیشی‌لر‌نینگ بو پروسه گه تنلنیشی کیره‌ک.»
شونده‌ی بیرحالده، مذکور رقابتی سیناو گه شرکت قیلگنلردن قطاری سرپرست حکومت‌دن، حکومتی ایشلاوچلر‌نینگ آزاد رقابت آرقه‌لی ایشگه آلینیشلرینی ایسته‌گن.
بیزلرنینگ «ایکس» ترماغی ده هم تعقیب قیلینگ!
اوشبو رقابتی سیناو گه شرکت قیلگنلردن منیر‌نینگ ایتیشیچه: «اداری اصلاحات و ملکی خذمتلر اداره‌سی و ملی سیناو اداره‌سیدن، انه‌شوو رقم شفاف سیناو اوتکزیلیشی‌نی ایسته‌یمیز که یاشلر درس اوقیب، زحمت چیکیب، مقصدلری گه ییتیشه آلسه‌لر.»
ساغلیق‌نی سقلش وزیرلیگی‌نینگ معلوماتی اساسیده، جاری ییل‌ده بو وزیرلیک‌نینگ تورلی بولیم‌لریده سکیز‌مینگ ۵۰۰ مسلکی بست‌نینگ آزاد رقابت گه قوییلیشی ممکن.
