هلمند ده محلی مسئوللرنینگ ایتیشلریچه، هلمند دریاسیگه آلتی عیالنینگ چوکیشی نتیجهسیده، اولردن ایکیتهسی اولیب و باشقه ایکیتهسی یوقالگن.
هلمند معلوماتو مدنیت باشلیغی عبدالباری راشدنینگ ایتیشیچه، مذکور واقعه جمعه کونی توشدن کیین، ناوه تومنی «عینک» منطقهسیده یوز بیرگن.
اونگه کوره، عیاللردن ایکیتهسی قوتقریلیب و شونینگدیک یوقالگن کیشیلرنینگ اختریلیشی دوام قیلماقده.
راشدنینگ کوپهیتیریشیچه، اوشبو واقعه بیر ایرکک عایله اعضاسیدن آلتی تهسینی موتر بیلن بیر منطقهدن باشقه بیر منطقه گه آلیب کیتیش و یولده قیسقه دم آلیش اوچون دریا یانیگه توختهگنی بیر پیتده، یوز بیرگن.
هلمند معلوماتو مدنیت باشلیغیگه کوره، موترنینگ توختهگنی جریانیده باشده کیکسه بیر عیال سووگه توشیب و سوو جریانی اونی اوزی بیلن آلیب کیتگن. شونینگدیک باشقه بیش عیال اونینگ قوتقریش اوچون سوو ایچیگه کیرگنلر.
بوندن آلدین هم هلمند دریاسیده شو کبی واقعهلر یوز بیرگن. شونینگدیک بوندن آلدین ناوه تومنیده مذکور دریا گه ایکی باله چوکیب و اولرنینگ جسدلری حاضرگچه تاپیلمهگن.
