«کیتگیم کیلمهیپتی آنه جان» و «کیلینچک» کبی قوشیقلر بیلن تنیلگن اۉزبېکستانلیک اشولهچی رحمتالله یوسف، وفات اېتدی.
اۉزبېکستان یېتکرمهلریگه کوره، اوشبو اشولهچی انچه دن بیری کسللیگی طفیلی یاتگن اېکن و نهایت ۶-جدی/۲۷-دسمبر، شنبه کونی، فرغانه ولایتی «آلتیاریق» تومنیده ۴۴ یاشیده وفات اېتگن.
معلوماتلر گه کوره، بو صنعتکار بیر نیچه ییل آلدین کرونا ویروس اسارتلری بیلن آغریگن و شفاکار گه مراجعت قیلگن، کسللیگی انیقلنیب و جراحلیک عملیاتی اۉتکزیلگن. بیراق معالجهدن کېین هم ساغلمهگن.
رحمتالله یوسف، میلادی ۱۹۸۱-ییل، ۱۵ سپتمبر کونی فرغانه ولایتی آلتیاریق تومنیده دنیا گه کیلگن.
۱۰۰ دن آرتیق قوشیقلر مولفی بولگن بو صنعتکار «کیتگیم کیلمهیپتی آنهجان»، «کیلینچک» کبی قوشیقلر بیلن خلق آرهسیده مشهور بولگن.
اونینگ ایکی قیز بالهسی بولگن.
