قندوز شهری‌گه شیرخان بندری‌دن ۱۱۰ کیلوولت برق انتقال بیریش لینی‌نینگ المشتیریش لایحه‌سی فایده‌لنیش‌گه تاپشیریلگن.
برق ییتکریش شرکتی (برشنا) مسئوللری‌نینگ اعلام قیلیشلریچه، ۸۰ میلیون افغانی عوضی بولگن بو لایحه برشنا ریاستی بودجه‌سیدن تامین‌لنیب، قندوز، تخار و بغلان ولایت‌لریده عمل‌گه آشیریلگن.
بیزلرنینگ فیسبوک صحیفه‌میزگه باش اورینگ!
برشنا شرکتی‌نینگ اجرائیه عمومی باشلیغی عبدالباری عمر گه کوره، مذکور لایحه ۹۵ میگاوت برق‌نینگ انتقال بیریش امکانیتی‌گه ایگه بولیب و ییل‌ده ۱۴۷ میلیون افغانی خالص درآمد قولگه کیلیشی ممکن. جناب عمر‌نینگ ایتیشیچه، بو لایحه یکون‌لنیشی بیلن قندوز شهری یشاوچیلری برقرار و یخشی برق‌دن فایده‌لنیب و برشنا شرکتی‌نینگ ییل‌لیک درآمدی کوپه‌یه‌دی.
شونینگدیک، اینگ یقینده قندوز ولایتی دشت ارچی و قلعه‌ی زال تومن‌لری یشاوچیلری‌نینگ برق‌دن فایده‌لنیشلری اوچون بو منطقه‌لرده هم برق ییتکزیش لایحه‌لری عمل‌گه آشیریلیشی‌گه قرار آلینگن.
بیزلرنینگ «ایکس» ترماغی ده هم تعقیب قیلینگ!
ایتیلیشچه، بولر گه علاوه قندوز ولایتی‌ده برققه نیازی بولگن باشقه منطقه‌لر هم برشنا شرکتی‌نینگ رواجلنتیریش برنامه‌لریدن فایده‌لنیشی ممکن.
