بنگلهدیش سابق باش وزیری شیخ حسینه، هندوستان گه قاچگچ، اوتگن ییلگی طلبهلر نمایشلرینی زورهوانلیک بیلن باستیریش و انسانیت گه قرشی جنایت گه عیبلنگنیدن سۉنگ، بنگلهدیش خلقارا جنایتلر محکمهسی تامانیدن قاچقینلیکده اعدام جزاسی بیلن محکوم قیلیندی.
بنگلهدیشلیک بو ۷۸ یاشر سیاستچی حاضر هندوستانده یشهماقده. اونگه تیگیشلی «لیگ عوام» حزبی اوشبو حکمنی «نمایشی محکمه» دیب و طرفدارلرینی بو قرار گه قرشی ناراضیلیک بیلدیریش گه چقیردی.
بنگلهدیش خلقی هم، اوشبو مملکت خلقارا جنایتلر محکمهسی تامانیدن آلینگن بو قرار بیلن بیرگه، طلبهلر نمایشینی باستیریش گه عیبلنگن مسئوللر جوابگرلیککه تارتیلیشینی سورهگنلر. بو قرار بنگلهدیشده ضدیت و زورهوانلیکنینگ کوچهیشی ممکنلیگی بارهسیده خواطرلرنی آشیرگن.
میلادی ۲۰۲۴-ییل، اکتوبر آییده، بنگلهدیشده بیر محکمه شیخ حسینه و اونینگ یقین یاردمچیلریدن ۴۵ نفرنی انسانیت گه قرشی جنایت عیبی بیلن حبس گه آلیش حکمینی چیقرگن اېدی.
شیخ حسینه، طلبهلرنینگ دولت ایش اورینلرینی تقسیملش گه قرشی نمایشلری آرتیدن استعفا گه چیقیب و هندوستان گه قاچدی.
اوتگن میلادی ییلده بنگلهدیشده طلبهلر نمایشلری دوامیده ۷۵۰ دن آرتیق کیشی هلاک بولیب و مینگلب آدملر یرهلنگن اېدی.
