اۉزبېکستان دولت رهبری شوکت میرضیایف خلق‌ارا ییغیلیش‌لرده اشتراک اېتیش اوچون رسمی تشریف بیلن سعودی عربستان و آذربایجان باره‌دی.
اۉزبېکستان یېتکرمه‌لری‌نینگ معلوماتی اساسیده، میرضیایف جنابلری، ۲۱-۲۳-عقرب/۱۱-۱۳-نومبر کونلری خلق‌ارا ییغیلیش‌لرده اشتراک اېتیش اوچون رسمی تشریف بیلن سعودی عربستان و آذربایجان باریشینی اېتگنلر.
بیزلرنینگ فیسبوک صحیفه‌میزگه باش اورینگ!
اۉزبېکستان دولت رهبری سعودی عربستان پادشاه‌سی سلمان ابن عبدالعزیز آل سعودنینگ تکلیفی‌گه بناً اېرته (۲۱-عقرب/۱۱-نومبر) کونی غزه و لبنان‌ده‌گی وضعیت‌نینگ کېسکین‌لشووی همده یقین شرق ده‌گی ماجرالر گه تیز فرصت‌ده ییچیم تاپیش چاره‌لرینی ایشلب چیقیش گه بغیشلنگن عرب-اسلام ییغیلیشی‌ده اشتراک اېته‌دی.
شونینگدیک او، ۲۲-۲۳-عقرب کونلری آذربایجان جمهور باشلیغی الهام علی‌اوف‌نینگ تکلیفی‌گه کوره، بیرلشگن ملتلر تشکیلاتی‌نینگ اقلیم اۉزگریشی بوییچه ییغیلیشی «کاپ ۲۹» ده قتنشه‌دی.
بیزلرنینگ «ایکس» ترماغی ده هم تعقیب قیلینگ!
اۉزبېکستان جمهور باشلیغی اوشبو ییغیلیش‌لرده نطق سۉزلشی، شونینگدیک خارجی دولتلر و خلق‌ارا تشکیلاتلر رهبرلری بیلن بیررقطار اوچره‌شوولر اۉتکزیشی ریجه‌لشتیریلگن.