پاکستان تشقی ایشلر وزیرلیگی نینگ اعلام قیلیشیچه، شانگهای همکارلیک تشکیلاتی نینگ ۲۳-ییغیلیشی، جاری هفته سه‌شنبه و چهارشنبه کونلری اوشبو مملکت پایتختی اسلام‌آباد ده یولگه قوییلهدی.
مذکور وزیرلیک نینگ کوپه‌یتیریشیچه، مذکور ییغیلیش‌ده چین، روسیه، بلاروس، قزاقستان، قرغیزستان، تاجیکستان، اوزبیکستان رهبرلری، ایران جمهور باشلیغی نینگ باش اورین‌باسری و هندوستان تشقی ایشلر وزیری نینگ شرکت قیلیشی ممکن.
بیزلرنینگ فیسبوک صحیفه‌میزگه باش اورینگ!
بیانیه‌ده کیلیشیچه، بو ییغیلیش‌ده مغلوستان باش‌وزیری ناظر عضوی صفتیده قتنه‌شه‌دی.
شونینگدیک افغانستان، اسلام امیرلیگی نینگ قدرت گه ایریشمه‌گنی‌دن آلدین شانگهای همکارلیک تشکیلاتی ییغیلیش‌لریده ناظر عضوی صفتیده شرکت قیله‌ر ایدی؛ بیراق اوتگن اوچ ییل‌ده مذکور تشکیلات، سرپرست حکومت نماینده‌لرینی دعوت قیلمه‌گن.
پاکستان نینگ «جیونیوز» تلویزیونی گزارشی گه کوره، افغانستان شانگهای همکارلیک تشکیلاتی نینگ ۲۳-ییغیلیشی گه دعوت بولمه‌گن.
بولر گه علاوه، اسلام امیرلیگی سوزلاوچیسی اورین‌باسری حمد‌الله فطرت نینگ ایتیشیچه، افغانستان شانگهای همکارلیک تشکیلاتی نینگ ناظر عضوی دیر و بو تشکیلات گه عضو بولگن مملکتلر بیلن یخشی مناسبت گه ایگه دیر. اونینگ کوپه‌یتیریشیچه: «افغانستان شانگهای همکارلیک تشکیلاتی اعضالری بیلن ایکی تامانلمه مکانیزم‌لر چارچوبه‌سیده علاقه‌ده دیر و بو توغریده هم سعی‌وحرکتلر و صحبتلر نینگ دوامی بار، کیله‌جک‌ده بو توغریده یوتوقلر گه ایکه بولیش گه امیدوارمیز.»
سیاسی ایش بیلرمانلردن قطاری، شانگهای همکارلیک تشکیلاتی ییغلیشی نی افغانستان و منطقه اوچون اونملی دیب و ایتیشلریچه، اسلام امیرلیگی نمانیده‌لری نینگ دعوت بولمه‌گنی، بو ییغیلیش اهمیتی نی کمه‌یتیره‌دی.
سیاسی ایش بیلرمانلردن جنت‌فهیم چکری نینگ ایتیشیچه: «بو ییغیلیش‌ده اسلام امیرلیگی‌دن نماینده بولمه‌گی صورت‌ده، افغانستان دن بیان بوله‌دیگن موضوع‌لر و خواطرلر گه، افغانستان تامانیدن جواب بیره‌دیگن و دفاع قیله‌دیگن هیچ کیم یوق. بو موضوع نابرابرلیک نی اورته گه کیلتیره‌دی.»
بیزلرنینگ «ایکس» ترماغی ده هم تعقیب قیلینگ!
سیاسی مسئله‌لر بیلرمانلریدن باشقه بیری برنا صالحی نینگ ایتیشیچه، اسلام امیرلیگی حرکت‌لریدن قطاری‌ده تغییر، خلق‌ارا و منطقه‌یی اونملی ییغیلیش‌لرده افغانستان حضوری اوچون زمینه یره‌تیشی ممکن. اونینگ کوپه‌یتیریشیچه: «اسلام امیرلیگی دنیا ایسته‌کلریدن قطاری اساسیده حرکتلریگه تغییر کیلتیریش بیلن، بو ییغیلیش‌لر گه حضور تاپیشی اوچون زمینه یره‌ته آله‌دی. مذکور موضوع یالغیز زمان اوتیشی بیلن حل بوله آله‌دی.»
شانگهای همکارلیک تشکیلاتی رهبرلری، مذکور تشکیلات نینگ ۲۳-ییغیلیشی‌ده اقتصادی، تجاری، اطراف-محیط، اجتماعی و فرهنگی مسئله‌لر زمینه‌لریده همکارلیک حقیده ایکی کون بیر بیرلری بیلن اوچره‌شه‌دیلر. شانگهای همکارلیک تشکیلاتی نینگ بیر ییل‌لیک یانده‌شووی تیکشیریلیشی و اونینگ بودجه‌سی تصویب بولیشی بو ییغیلیش‌ده صحبت قیلینه‌دیگن موضوع‌لردن بولیشی ممکن.
