بلخ ولایتیده خارجی بیر موسسه ۲۰۰ دن آرتیق عیال گه تیکووچیلیک و قالین توقیش اوسکونه‌لرینی ترقه‌تگن.
اۉزگریش اوچون «اقدام مردم موسسه‌سی» گه کوره، مملکت گه قیتگن عیاللر اینیقسه عایله‌لرنی قۉللب-قوتلش مقصدیده، اوشبو میلادی ییل‌ده بلخ‌ده ۲۶۰ عیال گه مسلک اورگه‌نیش امکانیتینی یره‌تیب بیرگن.
بیزلرنینگ فیسبوک صحیفه‌میزگه باش اورینگ!
بلخ‌ده مذکور اداره‌نینگ مسئولی ذبیح‌الله اچکزی، بوگون (۹جدی، یک‌شنبه) سلام‌وطندار بیلن اۉتکزگن صحبتیده، بو برنامه بیرلشگن ملتلر تشکیلاتی قاچقینلر ایشلری بوییچه عالی کمیشنری‌نینگ مالی حمایتی بیلن اۉتکزیلگنینی معلوم قیلگن.
اچکزی جنابلری گه کوره، ۲۶۰ عیال اوچون بو آلتی آی‌لیک کورس قالین توقیش، تیکووچیلیک، اری‌چیلیک و قول صناعتی بولیملریده اۉتکزیلگن، بو برنامه یکونیدن سۉنگ اولر گه ایش اوسکونه‌لری ترقه‌تیلگن.
بیزلرنینگ «ایکس» ترماغی ده هم تعقیب قیلینگ!
بلخ‌ده اقدام مردم موسسه مسئولی، اوشبو آلتی آی‌لیک کورس‌ده ۱۱۰ عیال گه قالین توقیش و باشقه ۱۵۰ عیال گه تیکووچیلیک ایشلری اورگه‌تیلگن.
اوشبو کورس‌دن فارغ بولگن عیاللر گه، تیکووچیلیک و هاورلاک ایکّی ماشین، گراف، ایپ، قالین توقیش و باشقه کېره‌کلی نرسه‌لر ترقه‌تیلگن.
اۉزگریش اوچون اقدام مردم موسسه‌سی (PAK) بیرلشگن ملتلر تشکیلاتی‌نینگ قاچقینلر ایشلری بوییچه عالی کمیشنری حمایتی بیلن، شمال و شمال-شرق ولایت‌لریده ۷۷۴ عیال و قریب ۱۵۰ ایرکک کیشی گه، تیکووچیلیک، قابله‌لیک، قالین توقیش و اری‌چیلیک ساحه‌لریده ایش امکانیتینی یره‌تیب بیرگنی اېتیله‌دی.