افغانستان اولاق لیگهسی ییتینچی دوری سکیزینچی باسقیچیده بوگون (۲۵-قوس/۱۶دسمبر، سهشنبه) اوچ مهم مسابقه اۉتکزیلدی.
اوشبو مسابقهلرده بغلان اولاقچیلری ۵-۰ حسابی بیلن بلخ؛ قندوز ۹-۳ حسابی بیلن پنجشیر و بدخشان کوچلی اولاقچیلری هم بیر تامانلمه و ریجهلشتیریلگن اویینده ۲۰-۳ حسابی بیلن هرات گه غلبه قازاندی. بدخشان اوشبو امتیاز بیلن الف گروهینینگ بیرینچی اورینیده تورگن.
اوتگن کونگی مسابقهلرده هم، قندوز، سرپل و بدخشان اولاقچیلری رقیبلریگه غلبه قازانگن اېدیلر.
افغانستان اولاق لیگهسی ییتینچی دوری سکیزینچی باسقیچیده سرپل، بدخشان، قندوز، تخار، بلخ، پنجشیر، بغلان و هرات جماعهلری یول تاپگن.
اوشبو بیللشوولر، ۲۱-قوس/۱۲دسمبر، کابل شهری یکهتوت میدانیده ۱۱ اولاق تیرمه جماعه اشتراکی بیلن باشلندی و همان دوام ایتماقده.
