ننگرهار امنیه قوماندانلیگی مطبوعات مسئولی سیدطیب حماد، اوشبو ولایتده تام قولشی عاقبتیده بیر عایلهنینگ ۷ اعضاسی جملهدن بیر عیال و ۶ باله اولگنینی بیلدیردی.
اونگه کوره، بوگون (۹ دلو/ ۲۹ جنوری، پنجشنبه) بامداد پیتی، ننگرهار مرکزی جلالآباد شهری ییتینچی امنیتی حوزه حدودلریگه قرهشلی «غوچکو» منطقهسیده ایکی قووتلی یشش بنا تامی قولهگن.
اوشبو واقعه نتیجهسیده، بالهلر شامل بیر عایلهنینگ ۷ اعضاسی اولگن و عایله باشلیغی (آته) یرهلنگن.
یشش اویلر ایسکیرگنی، اولرنینگ ستندرد شکلده قوریلمهگنلیگی و کوچلی یاغینگرچیلیکلر انده-سنده اویلر تامی قولشیگه سبب بولیب و یشاوچیلردن قربانلیک آلهدی.
