اسرائیلنینگ اعلام قیلیشیچه، بو مملکت حربیلری نوار غزه جنوبیده جایشلگن رفح شهریده قوراللی تورت کیشینی نشان گه آلگن.
اسرائیلنینگ کوپهیتیریشیچه، مذکور کیشیلر اوتگن کونی رفح دهگی بیر ییرآستی (زیرزمینی) دن چیقیش و بو مملکت کوچلری تامان اوق آتگنلریدن کیین، نشانگه آلینگنلر. اسرائیل، کوچلریگه اویوشتیریلگن هجومنی غزه بوییچه آتیش کیسین کیلیشووی بوزیلیشی دیب و اونینگ عاقبتلریدن آگاهلنتیرگن.
شوندهی بیرحالده، حماس حاضرگچه بو کیشیلرنینگ نشانگه آلینگنی توغریسیده هیچ بیر نرسه دیمهگن؛ لیکن بو جنبش گه یقین بیر منبعگه کوره، قربان بولگنلر آرهسیده حماسنینگ ییریک رسمیلریدن انس عنشار، شامل دیر.
باشقه بیرتاماندن، فلسطین ساغلیقنی سقلش وزیرلیگینینگ اعلام قیلیشیچه، دوشنبه کونی غزه شهریده یشش بیر بنا گه اسرائیل کوچلرینینگ اویوشتیرگن هوا هجومیده، اوچ کیشی قربان بولگن.
اوتگن میلادی ییل اکتبر آییده، اسرائیل و حماس آرهسیده آتیش کیسین برقرار بولگنی بیلن، غزه ده توقنشوولر یکونلنمهی و ایکی تامان بیر-بیرینی کیلیشوونی بوزیشگه عیبلماقده.
فلسطین ساغلیقین سقلش وزیرلیگینینگ معلوماتی اساسیده، غزه ده آتیش کیسین برقرار بولگنیدن کیین، اسرائیل هجوملریده کمیده ۵۸۰ فلسطینلیک قربان بولگن. شونینگدیک اسرائیلنینگ ادعا قیلیشیچه، اوتگن بیش آیده حماس بیلن توقنشوولر جریانیده تورت عسکری هلاک بولگن.
