سعودی عربستان مدافعه وزیرلیگی، اوشبو مملکت پایتختی ریاض شهریده امریکا ایلچیخانهسی ایران اوچووچیسیز اوچاقلری آرقهلی نشانگه آلینگنینی تصدیقلهدی.
سعودی عربستان مدافعه وزیرلیگی سوزلاوچیسی، بوگون (۱۲ عقرب/۳ مارچ، سهشنبه) ایکس صحیفهسیده، بو مملکتده امریکا ایلچیخانهسی ایکی اوچووچیسیز اوچاق بیلن نشانگه آلینگنینی یازگن.
عربستان عملدارلریگه کوره، اوشبو هجومده «آز یانغین» صادر بولگن و امریکا ایلچیخانهسی بناسیگه قسمی شکلده ضرر ییتگن.
شو بیلن بیرگه، ایران ییتکرمهلری عربستانده امریکا ایلچیخانهسی اوچووچیسیز اوچاقلر بیلن نشانگه آلینیب و اونینگ نتیجهسیده کینگ کولملی دود چیقهیاتگن ویدیولرنی ترقهتگن.
امریکا و اسرائیلنینگ ایران گه قوشمه هجوملریده بو مملکت مذهبی رهبری سیدعلی خامنهای همده حربی و سیاسی ییریک عملدارلریدن بیرقطاری اولدیریلگنیدن سونگ، ایران یقین شرقدهگی مملکتلردن بیرقطاریده امریکانینگ پایگاهلری و سیاسی نمایندهلیکلریگه قرشی کینگ کولملی هجوملرنی باشلهگن.
