سعودی عربستان تشقی ایشلر وزیرلیگی، فلسطین مستقل مملکت اولهراق قبول قیلینیشی خصوصیده، مملکتینینگ موضعسی ثابت و شفافلیگینی بیلدیرگن.
بیزلرنینگ فیسبوک صحیفهمیزگه باش اورینگ!
رویترز، سعودی عربستان تشقی ایشلر وزیرلیگیدن نقل قیلیب یازیشیچه، امریکا قۉشمه ایالتلرینینگ جمهور باشلیغی دونالد ترامپ، ۱۶-دلو، سهشنبه کونی واشنگتنده اسرائیل باش وزیری بنیامین نتانیاهو بیلن اوچرهشووده، غزه امریکا نظارتی گه اوتیشی حقیدهگی بیاناتی گه مناسبت بیلدیریب، بوتوغریده مملکتینینگ موضعسی ثابت و شفافلیگینی بیلدیرگن.
شونینگدیک مذکور وزیرلیک، فلسطین مستقل مملکت صفتیده قبول قیلینمهگونچه، اسرائیل بیلن دیپلماتیک مناسبت قورمسلیگینی معلوم قیلگن.
بو وزیرلیکنینگ کوپهیتیریشیچه: «سعودی عربستان پادشاهسینینگ قدس پایتختی بیلن مستقل فلسطین شکللنیشی اوچون دایمی سعی-حرکتی توختمهیدی و بو شرطی عملی بولمهگونچه بو مملکت اسرائیل بیلن دیپلماتیک مناسبت قورمهیدی.»
بیزلرنینگ «ایکس» ترماغی ده هم تعقیب قیلینگ!
امریکا قۉشمه ایالتلرینینگ جمهور باشلیغی دونالد ترامپ، اوتگن کون اسرائیل باش وزیری بنیامین نتانیاهو بیلن اوتکزگن مطبوعاتی ییغیلیشده، غزه یشاوچیلری باشقه تینچ منطقهلر گه انتقال بیریلگنیدن سۉنگ، بو منطقهنی باسیب آلیش گه قرارلی اېکنینی بیلدیرگن.
