سرپل و بدخشان کوچلی اولاق تیرمه جماعهلری رقیبلری گه غلبه قازانیش بیلن، اوشبو بیللشوولرنینگ فینالی گه یول تاپدی.
بیللشوولر، بوگون (۳۰-قوس/۲۱-دسمبر، یکشنبه) کابل شهری یکه توت حدودلریده اۉتکزیلدی.
اوشبو بیللشوولرده، بدخشان ۳-۱ حسابی بیلن بغلان و نهایت سرپل کوچلی اولاقچیلری هم ۹-۲ حسابی بیلن قندوز گه غلبه قازاندی.
بو ایکی جماعه اورتهسیده فینال مسابقه، ایرته توشدن آلدین ساعت ۱۰:۰ ده کابل شهری یکه توت حدودیده اۉتکزیلهدی.
افغانستان اولاق لیگهسی ییتینچی دوری، خارجی چاپندازلرنینگ حضوری بیلن مملکتنینگ تورلی ولایتلریدن ۱۱ جماعه اشتراکی بیلن باشلندی و نهایت سرپل و بدخشان فینال گه یول تاپدی.
