اسلام امیرلیگی تشقی ایشلر وزیرلیگی، صنیعالله فرهمند تورکیهده اسلام امیرلیگی ایلچیسی صفتیده یېتیب تعیینلنگنیدن خبر بیرگن.
اوشبو وزیرلیک سرپرستی امیرخان متقی، تورکیه پایتختی انقرهده فرهمند جنابلرینی افغانستان ایلچیسی صفتیده تانیشتیریشده، سرپرست حکومت تامانیدن بو مملکت گه ایلچی تعیینلنیشی، تورلی ساحهلرده ایککی مملکت اورتهسیدهگی مناسبت مستحکملیگیدن درهک بیرهدی.
اونینگ کوپهیتیریشیچه: «ینگی ایلچینی تانیشتیردیک؛ بو کتته یوتوق دیر تورت ییلدن کېین تورکیهده ایلچی تانیشتیریش گه اولگوردیک.»
بیزلرنینگ فیسبوک صحیفهمیزگه باش اورینگ!
تشقی ایشلر وزیرلیگی سرپرستی گه کوره، اېندی افغانستان و تورکیه آرهسیدهگی مناسبت عادیلشگن.
اسلام امیرلیگی تامانیدن تورکیهده ایلچی اولهراق تعیینلنگن صنیعالله فرهمند، اوشبو مملکتده قنسولی خذمتلر گه قولیلیک کېلتیریش و افغانستانلیک مهاجرلرنینگ قیینچیلیگینی حل قیلیش اوچون سعی-حرکت قیلیشیدن ایشانچ بیرگن. «تورکیهده افغانستان یشاوچیلریگه قنسولی خذمت کورسهتیش گه متعهد میز؛ یشاوچیلر گه یوقاری درجهده خذمت کورسهتیش اوچون سعی-حرکت قیلهمیز.»
تورکیهده افغانستان ایلچیخانهسی قویاش ۱۴۰۳-ییل، دلو آی گه قدر سابق حکومت دیپلماتلری تامانیدن باشقریلردی؛ بیراق اوشبو آیده تورکیه اولرنینگ دیپلماتیک ماموریتلریگه یکون یسهگنینی معلوم قیلدیلر.
بیزلرنینگ «ایکس» ترماغی ده هم تعقیب قیلینگ!
تورکیه، سۉنگی تورت ییل ایچیده اسلام امیرلیگی بیلن یقین علاقهده بولگن مملکتلردن بولیب، کابلده ایلچیخانهسینی فعال سقلب و افغانستان بیلن معارف همده انسان سیورلیک یاردملریگه دوام بیریب کېلگن.
خلقارا مناسبتلر بیلرمانلریدن بعضیلری، سرپرست حکومتنینگ تورکیه بیلن علاقهلرینی مستحکملشنی مهم دیب، اسلام امیرلیگینینگ انقره بیلن سیاسی یقینلشووی افغانستاننینگ باشقه دولتلر بیلن مناسبتلریگه ایجابی تأثیر کورسهتیشینی اېتماقدهلر.
خلقارا مناسبتلر بیلرمانی محمداکرم عارفی گه کوره، تورکیه گه ایلچی تانیشتیریش، اسلام امیرلیگی باشقه مملکتلر تامانیدن تن آلینیشی اوچون یاردم بیریشی ممکن.
اونینگ کوپهیتیریشیچه: «اولدن هم تورکیه افغانستان گه ایجابی مناسبتده بولگن، تورکیه کوچلی اسلامی دولت بولیب، اسلام امیرلیگی دایما اوشبو مملکت گه اعتبار قرهتگن؛ تورکیه افغانستانده کوچلیراق اشتراک اېتیش گه کتته قیزیقیش بیلدیرگن و بو اشتراک سیاسی علاقهلرنی رواجلنتیریشنی طلب قیلهدی.»
بوندن ایککی کون اول، اسلام امیرلیگی باش وزیرینینگ اداری اورین باسری عبدالسلام حنفی، تورکیه بیلن افغانستاننینگ مناسبتی کېنگهیشیگه تأکیدلهگن بیرحالده، تورکیهده اسلام امیرلیگی ایلچیسی تانیشتیریلگن.
