سمنگان ولایتی رسمی‌لری، اوشبو ولایت ده آلتی میلیون افغانی‌لیک تورت عام‌المنفعه پروژه آچیلیب و فایده‌لنیشگه تاپشیریلگنیدن خبر بیرگنلر.
سمنگان ولایتی قیشلاق‌لرنی رواجلنتیریش و قیته قوریش باشلیغی اخترمحمد مصباح، اوشبو پروژه‌لر نینگ آچیش و فایده‌لنیشگه تاپشیریش مراسمی ده مذکور پروژه‌لر نینگ اهمیتی حقیده گپیریب بو پروژه‌لر قوریقله‌نیشی اوستیگه علیحده تاکید ایتگن.
بیزلرنینگ فیسبوک صحیفه‌میزگه باش اورینگ!
آلتی میلیون ۱۷۴ مینگ افغانی‌لیک مذکور پروژه‌لر، سمنگان ولایتی مرکزی «آی‌بیک» شهری گه قره‌شلی تورت قیشلاق ده آچیلیب و فایده‌لنیشگه تاپشیریلگن.
اوشبو پروژه‌لر، ۲۰۰ متر مکعب سوونی فلتر قیلیش کوچی گه ایگه بیر سوو ذخیره‌سی، ۱۲ متر اوزون‌لیگی بولگن بیر کوپریک، ۱۰۵ متر اوزون‌لیگی بولگن بیر کانال نینگ پخته شکلده قوریش، ۶۴ متر کانال نی پلیت (سلپ) قیلیش دن عبارت بولیب و فایده‌لنیشگه تاپشیریلیشی بیلن بیر مینگ ۲۲۷ عایله اوندن فایده‌لنگنلر.
بیزلرنینگ «ایکس» ترماغی ده هم تعقیب قیلینگ!
بو پروژه‌لر سمنگان مرکزی آی‌بیک شهری گه قره‌شلی قوش‌آسیاب بالا، قوش‌آسیاب پایین، باغ ذخیره قیشلاق‌لری و امام ترمذی مسجدی ده آچیلیب و فایده‌لنیشگه تاپشیریلگن.
مذکور پروژه‌لر دن فایده‌لنگن قیشلاق‌لر اهالیسی گه کوره، ایچیملیک سوولری یوق‌لیگی باعث تورلی خیل قیینچیلیک بیلن روپه‌ره ایدیلر و بو پروژه‌لر فایده‌لنیشگه تاپشیریلیشی بیلن اولر نینگ قیینچیلیک‌لری حل بوله‌دی.
