روسیه اردوسی، اوچووچیسیز اوچاق بیلن اوکراین شمالی حدودلری سومی منطقهسیده بیر اتوبوسنی نشانگه آلیب چمهسی توقیز کیشینینگ اولیمی و باشقه تورت کیشینینگ یرهلنیشی گه سبب بولگن.
رویترز، بوگون (۲۷-ثور، شنبه) ترقهتگن گزارشیده بو واقعه اوتگن هفته پنجشنبه کونی روسیه بیلن چېگره حدودلرده یوز بیرگنینی معلوم قیلگن.
اوکراین رسمیلریگه کوره، بو توغریدن-توغری تینچ اهالیگه قرهتیلگن اېنگ قانلی هجوملردن بیری دیر.
بیزلرنینگ فیسبوک صحیفهمیزگه باش اورینگ!
رویترز، سومی منطقهسی حربیلریدن نقل قیلیب یازیشیچه، اوشبو هجوم محلی وقت بیلن ایرتهلب ساعت ۸:۰۰ اطرافیده، بیر اتوبوس محلی فابریکه ایشلاوچیلرینی ایش جایی گه یېتکیزهیاتگن پیتده نشانگه آلینیشی باعث یوز بیرگن.
سومی منطقهسی قوماندانی دیمیترو ژیویتسکی، بو هجومنی «شفقتسیز و انسانیت گه قرشی» حرکت دیب و روسیه ېنه بیر مراتبه تینچ اهالی حیاتیگه هېچ قندهی اهمیت بیرمسلیگینی کورستگنینی بیلدیرگن.
بوندن اول، محلی رسمیلر واقعه طفیلی سکیز کیشی هلاک بولگنینی اېتگن اېدیلر، بیراق انیق تېکشیرولر و جسدلر کسلخانهلر گه انتقال بیریلگچ، قربانلر سانی توقیز کیشی گه آشگن.
بیزلرنینگ «ایکس» ترماغی ده هم تعقیب قیلینگ!
مذکور واقعه طفیلی یرهدارلر آرهسیده ایکّی عیال و ایکّی ایرکک شامل، سومی مرکزی کسلخانهسیگه آلیب باریلگن. شفاکارلر یرهدارلردن بیرینینگ احوالینی آغیر دیگنلر.
روسیه رسمیلری، بو واقعه گه دایر حاضرگه قدر فکر-ملاحظه بیلدیرمهگن.
