اوکراین شرقی و جنوبی بولیملریگه روسیهنینگ هوا و پهپادی هجوملری، حاضرگچه دوام قیلیب و ینگی موردده، بیر کیشی اولیب و کمیده ۱۰ کیشی یرهلنگن.
الجزیرهنینگ بوگون (۱۸-دلو/ ۷-فبروری، شنبه)، گزارش بیریشیچه، روسیه اوکرایننینگ بیر قطار بولیملریگه پهپادی هجوملرینی عملگه آشیرگن.
اوکراین هوا کوچلرینینگ اعلام قیلیشیچه، مذکور مملکت هوا مدافعه تیزیمی روسیهنینگ کوپینچه پهپادینی اوریب تشلهگن، بیراق ینه هم یشش بنالر و برق ترماغیگه کینگ کولملی زیانلر ییتیشگن. اوکراین جمهور باشلیغی ولودیمیر زلنسکی، اوشبو مملکت هوا تیزیمی ایشلش قابلیتینینگ آشیریلیشینی سورهگن.
شوندهی بیرحالده، روسیهنینگ اعلام قیلیشیچه، بو مملکت هوا تیزیمی اوکرایننینگ پهپادلریدن قطارینی اوریب توشیرگن و اوکرایننینگ روسیه شهرلری جملهدن بلگورود گه قیلگن هجوملری موفقیتسیز بولگن.
روسیه و اوکراین آرهسیدهگی توقنشوولر، تورت ییلدن بیری دوام قیلماقده و آتیش کیسین کیلیشوویگه ییتیشیش اوچون اینیقسه امریکا رهبرلیگیده خلقارا سعیوحرکتلر، حاضرگچه نتیجه بیرمهگن.
