ینگیلیکده روسیه آرقهلی اوکرایننینگ بیر قطار بولیملریگه اویوشتیریلگن پهپاد و راکته هجوملریده، کمیده ایکی کیشی اولیب و ۳۲ کیشی یرهلنگن.
الجزیره خبری ترماغینینگ بوگون ایرتهلب (۷-جدی/ ۲۸ دسمبر، یکشنبه)، گزارش بیریشیچه، مذکور هجوملر نتیجهسیده، اوکرایننینگ بیر قطار حدودیده برق کیسیلیب و بو مملکت پایتختینینگ اوچدن بیر قسمی ایسیتگیچسیز، صفر درجه سانتیگراد گه قریب ساووقلیکده قالگن.
اوکراین جمهور باشلیغی ولودیمیر زلنسکینینگ اعلام قیلیشیچه، روسیه اوشبو هجوملرده قریب ۵۰۰ پهپاد و ۴۰ ته راکته بیلن «انرژی قوریلمهلری و تینچاهالی آستقورمهلری» نی نشانگه آلگن.
شونینگدیک اوکرایننینگ انرژی شرکتی، مذکور هجوملر عاقبتیده کییف شهری و اونینگ یقینیدهگی منطقهلرده بیر میلیوندن آرتیق اوینینگ برقی کیسیلگنیدن خبر بیرگن.
اوکراین گه قرشی روسیه اوروشی ۲۰۲۲-ییل فبروری آییده باشلهنیب و مذکور اوروشنینگ یکونلنیشی اوچون امریکا رهبرلیگیده خلقارا سعیوحرکتلر بولگنی بیلن، حاضرگچه هیچ بیر نتیجه قولگه کیلمهگن.
