امریکا تشقی ایشلر وزیری مارکو روبیو، اسلام امیرلیگیدن افغانستان ده قماقده بولگن امریکا یشاوچیلرینینگ قوییب یوباریلیشینی ایستهگن.
روبیو، بوگون (۱۹-حوت/ ۱۰-مارچ، سهشنبه)، اکس صحیفهسیده بیر پیام ترقهتیب، افغانستان ده حبسگه بولگن دنیس کویل، محمود حبیبی و امریکانینگ باشقه یشاوچیلری آزاد بولیشینی سورهگن.
امریکا تشقی ایشلر وزیرینینگ یازیشیچه: «بوگون افغانستان نی ناقانونی حبسگه آلینیشلردن حمایت قیلهدیگن بیر مملکت صفتیده اعلام قیلهمن.»
بوندن آلدین اسلام امیرلیگی، ملکی هوا یوللری ادارهسی سابق باشلیغی محمود حبیبینینگ قولگه آلینگنینی رد قیلگن.
شونینگدیک اسلام امیرلیگی سوزلاوچیسی ذبیحالله مجاهد، امریکا بیلن محبوسلر المشتیریلیشی بوییچه مذاکرهلر دوام قیلهیاتگنی، بیراق حاضرگچه یکونلی نتیجهگه ایریشیلمهگنینی ایتگن ایدی.
اوتگن تورت ییلده، اسلام امیرلیگی و امریکا قطر واسطهچیلیگی بیلن نیچه مرته محبوسلردن قطارینی بیر-بیرلری بیلن المشتیرگنلر.
