بیرلشگن ملتلر تشکیلاتی ترقیاتی دستورینینگ ایتیشیچه، اوتگن ایکی ییلده افغانستان ده یاردم بیرووچی تشکیلاتلر بودجهسینینگ ۵۰ فایزی، ترقیاتی بولیملرده صرفلنگن.
۲۰۲۱ دن ۲۰۲۳-ییلگچه، خلقارا همجمعیت یاردملریدن ۹۰ فایزدن آرتیغی، اقلیم اوزگریشلریدن جبرلنگنلر، مملکت گه قیتریلگن قاچقینلر و ایچکی آوارهلرگه انسانسیورلیک یاردملر اینیقسه دستلبکی خذمتلر کورسهتیلیشی گه قرهتیلگن.
افغانستان ده بیرلشگن ملتلر تشکیلاتینینگ ترقیاتی دستوری نمایندهسی استیفن رودریگزنینگ سلاموطندار گه ایتیشیچه، جاری ییلده افغانستان اقتصادینینگ آلتیدن سکیز فایز رواجلنیشی اوچون سعیوحرکت بولهدی. «سونگی ایکی ییلده، مالی منبعلردن ۵۰ فایزی افغانستان ده ترقیاتی بولیملریگه اجرهتیلگن. افغانستاننینگ بشری یاردملرگه تیگیشلی بولیشدن قوتیلیشی اوچون بو مملکت اقتصادینینگ ۶ دن ۸ فایز رواجلنیشیگه نیازیمیز بار.»
رودریگزگه کوره، عیاللر و یاشلر اقتصادی امکانیتلری آشیریلیشی، افغانستان ده بیرلشگن ملتلر تشکیلاتی ترقیاتی دستورینینگ بو ییلگی مهم ایشلریدن دیر. اوشبو اقداملرنینگ خصوصی سکتورنی قوللب-قوتلش و یاش تدبیرکار عیاللر اوچون امکانیت یرهتیلیشی دایرهسیده کورسهتیلیشی ممکن.
بو توغریده استیفن رودریگزنینگ کوپهیتیریشیچه: «ایش اورینلرینی یرهتیشده اساسی اعتباریمیز عیاللر و شونینگدیک یاشلرگه قرهتیلگن. اوتگن ییلی افغانستان گه قیتریلگنلردن ۶۰ فایزینی یاشلر تشکیل بیرهدی. شونینگدیک عیاللردن یالغیز ۶ فایزی اویده ایشلهیدی. انه شوو سبب بیر نیچه ایشنی عملگه آشیرهمیز؛ بیرینچیسی خصوصی بولیمگه جدی اعتبار قرهتیش و کیچک مالی موسسهلر همده بانکی توزیمنی قوللب-قوتلش دیر که بو رقم کیچیک کسب-کارلرگه قرضه بیره آلسهلر.»
شونینگدیک افغانستان ده بیرلشگن ملتلر تشکیلاتی ترقیاتی دستوری نمایندهسینینگ ایتیشیچه، بو نهاد جاری ییلده افغانستان ده عیاللرگه تیگیشلی ۸۰ مینگ کسب-کاردن حمایت قیلیشگه دوام بیرهدی.
شوندهی بیرحالده، اقتصادی ایش بیلرمانلر، افغانستان ده عیاللر و یاشلر اوچون اوزاق مدتلی سرمایه یاتقیزیلیشنی فایدهلی دیب و اورغولشیچه، اوشبو همکارلیکلر حقیقی و ریجهلشتیریلگن شکلده بولیشی کیرهک.
بو توغریده اقتصادی ایش بیلرمان قطبالدین یعقوبینینگ ایتیشیچه: «عیاللر و یاشلر مشارکتی بیلن اقتصادی بولیملر ترقیاتیده سرمایه یاتقیزیلیش، مهم اورینگه ایگه بولیشی ممکن. افغانستان اقتصادی جمعیتیدن یریمینی حمایت قیلماقچین بولسهک، مدیریت بولگن، صفتلی و برابر شکلده بولسین که بو افغانستان اقتصادی سکتوری یخشیلنیشی و تغییر قیلیشیده مهم دیر.»
افغانستان ده بیرلشگن ملتلر تشکیلاتی ترقیاتی دستورینینگ ایتیشیچه، سونگی ایکی ییل ایچیده خلقارا همجمعیت افغانستان اقتصادی قیینچیلیکلریدن کوپ قطارینینگ اوزاق مدتلی و تیزیملی خصوصیتگه ایگه ایکنی همده اولرنی یالغیز انسانسیورلیک یاردملر کورسهتیلیشی بیلن حل قیلیب بولمسلیگینی انگلهگن.
