هلمند محلی رسمی‌لری نینگ ایتیش‌لریچه، بیر مسافر تاشووچی موتر جاده چیکه‌سیده ییرلشتیریلگن ماین بیلن دوچ کیلیب، نتیجه‌ده ۶ کیشی هلاک و باشقه ۱۰ کیشی یره‌لنگن.
هلمند حاکمی سوزلاوچیسی عمر زواک نینگ سلام‌وطندارگه ایتیشیچه، بوگون “شنبه” ایرته‌دن چاغیده مسافر تاشووچی بیر موتر اوشبو ولایت نینگ گرشک تومنی‌نی «بازار مهاجر» منطقه‌سیده جاده چکه‌سیده جایلشتیریلگن ماین بیلن دوچ کیلگن.
جناب زواک‌که کوره، اوشبو پارتلشده بیرقطار عیاللر و باله‌لر قربان بولگن.
هلمند حاکمی سوزلاوچیسی نینگ کوپه‌یتیریشیچه، مذکور ماین طالبان تامانیدن جایلشتیریلگن ایکن.
عین‌حالده، قندهار محلی مسووللری نینگ ایتیش‌لریچه، اوشبو ولایت نینگ شاه‌ولی کوت تومنیده جاده چیکه‌سیده جایلشتیریلگن ماین نینگ پارتلشی عاقبتیده، ۶ تینج اهالی یره‌لنگن.
قندهار پولیس قومندانلیگی سوزلاوچیسی جمال ناصر بارکزی نینگ ایتیشیچه، اوتگن “جمعه” کونی کیچ قورون تینچ اهالیگه تیگیشلی بیر موتر شاه‌ولی کوت تومنی نینگ «انحرکی» منطقه‌سیده جاده چیکه‌سیده جایلشتیریلگن ماین بیلن دوچ کیلگن.
قندهار محلی مسووللری نینگ ایتیش‌لریچه، اوشبو ماین طالبان تامانیدن جایلشتیریلگن، بیراق طالبان گروهی حاضرگه‌قدر بوتوغریده صحبت قیلمه‌گن.
شونینگدیک، هرات حاکمی سوزلاوچیسی، جاده چیکه‌سیده جایلشتیریلگن ماین نینگ پارتلشی عاقبتیده، ۳ کیشی هلاک و باشقه ۱۱ کیشی یره‌لنگنیدن خبر بیرگن. اونینگ ایتیشیچه، بو واقعه اوتگن “جمعه” کیچه ساعت ۱۰:۰۰ اطرافیده هرات ولایتی نینگ زاول تومنیده یوز بیرگن.
اونینگ ایتیشیچه، بو واقعه‌ده هلاک و یره‌لنگنلردن بیرقطاری عیاللر و باله‌لر دیر.
عین‌حالده، هرات ولایتی نینگ ادرسکن تومنی ولسوالی علی‌احمد فقیریارنینگ ایتیشیچه، بو واقعه‌ده ۱۳ کیشی یره‌لنگن و یره‌لنگنلرنینگ ۵ ته‌سینی ساغلیق وضعیتی یمان دیر.