بیرلشگن ملتلر تشکیلاتینینگ آزیق-آوقت و ایکینچیلیک دستوری (FAO)، ۸ دن ۱۴-سرطانگچه افغانستان ده هوا ایسیقلیگی درجهسی آشیشی احتمالیدن آگاهلنتیرگن.
مذکور تشکیلات، بوگون (۱۰-سرطان، سهشنبه)، اکس صحیفهسیده یازیشیچه، اوشبو کونلرده افغانستاننینگ بیر قطار بولیملریده هوا ایسیشی، نرمال حددن ۲ دن ۱۰ درجه سانتیگراد یوقاری بولیشی ممکن.
بیزلرنینگ «ایکس» ترماغی ده هم تعقیب قیلینگ!
آزیق-آوقت و ایکینچیلیک دستورینینگ آگاهلنتیریشیچه، هوا ایسیقلیگی درجهسی آشیشی، انسانلر و چاروهلر ساغلیگی بیلن اوسیملیکلرنی جدی تهدید بیلن روپهره قیلهدی.
اوشبو نهاد افغانستان یشاوچیلریدن، مذکور کونلرده ییترلی سوو ایچیشلری و کیکسهلر، کسللر، حاملهدار عیاللر بیلن بالهلر شامل زیان کورهدیگن گروهلردن مراقبت قیلیشلرینی ایستهگن.
شونینگدیک اهالیدن، ایسیق کونلر جریانیده ایکینچیلیک و قوریلیش ایشلری کبی تشقی فعالیتلری کمهیتیریلیشی، چاروهلرنینگ سایهلی جایلرده سقلنیشی و اولرنینگ سوودن فایدهلنیش امکانیتی تضمینلنیشی سورهلگن.
بیزلرنینگ فیسبوک صحیفهمیزگه باش اورینگ!
بوندن آلدین هم مذکور تشکیلات، افغانستاننینگ جنوب، شرق و شمالی بولیملریده هوا ایسیقلیگینینگ ۴۵ درجه سانتیگراد یوقاری کیتیشی احتمالیدن آگاهلنتیرگن ایدی.
افغانستان، دنیا ده هوا اوزگریشلری برابریده زیان کورهدیگن اون مملکتدن بیری بولیب و سونگی ییللرده قوروقچیلیک، سوو تاشقینلری و سوو بحرانی کبی عاقبتلر بیلن روپهره بولگن.
