بوگون “یکشنبه” مملکت ۳۴ ولایتیدن دین عالم‌لر نماینده‌لری کابل‌ده بیر ییغین اوتکزیب، تینچ‌لیک سوزلشوولریدن حمایت بیلدیرگنلر.
اوشبو دین عالم‌لرنینگ ایتیش‌لریچه، مملکتده دوامی بولگن اوروش و قان توکیش نی شرعی جوازی یوق و انه‌شو باعث، ایکی تامان اوروشدن قول تارتیب، تینچ‌لیک خصوصیده کیلیشیش‌لری کیره‌ک.
دین عالم‌لردن بولمیش فرمان‌الله نیازی نینگ ایتیشیچه، دین عالم‌لر طرف‌‌سیز شکلده خلق نینگ دردی‌گه درمان بولیشده مسوول دیرلر.
جناب نیازی، اوروش ایکی تامانیدن بوندن آرتیق مسلمان‌لرنینگ قانی‌نی توکمس‌لیک‌لرینی سوره‌ب و شخصی منفعت‌لریدن اوتیش‌لرینی ایسته‌گن.
مملکت ۳۴ ولایتی نینگ دین عالم‌لری باش کاتبی محمد سرور عمر، دین عالم‌لری ایکی تاماندن هم تینچ‌لیک‌نی قبول قیلیش‌نی سوره‌‌گن‌لری اوستیگه تاکید قیلگن.
جناب عمر، افغانستان‌لیکلر آرا سوزلشوولردن قیلیب، ایکی تاماندن سوزلشوولرده صادق بولیب و اوروشدن خسته بولگن خلق‌گه واقعی تینچ‌لیک‌نی ارمغان ایتیش‌لرینی سوره‌گن.
بوندن نیچه هفته آلدین دنیا مسلمان‌لری جماعه‌سی نینگ باشلیغی بیر رسانه بیلن سوزلشیب، افغانستانده‌گی جاری اوروش، مسلمان‌لر آره‌سیده و انه‌شو سبب افغانستانده‌گی اوروش مجاز ایمس دیب ایتگن بیر حالده، افغانستان دین عالم‌لری تینچ‌لیک مذاکره‌دن حمایت ایتگن‌لر.