تورکیهنینگ استانبول شهریده افغانستان و پاکستان هیئتلری اورتهسیده اوچینچی باسقیچ مذاکرهلر ایریم قیینچلیکلر بیلن اۉتکزیلیب و نهایت نتیجهسیز توگهدی. بو مذاکرهلر توگهشیدن سۉنگ، منطقه مملکتلری بیرین-کیتین، کابل و اسلامآباد اورتهسیده آتیش کېسین و دیپلماتیک مذاکرهلر دوام ایتیشینی سورهگنلر.
تورکیه دولت رهبری رجب طیب اردوغان پاکستان باش وزیری شهباز شریف بیلن آذربایجاننینگ باکو شهریده اوچرهشیب، کابل و اسلامآباد اورتهسیده آتیش کېسین دوام ایتیشی اهمیتی حقیده تأکیدلهگن.
تورکیه و قطر، افغانستان و پاکستان اورتهسیدهگی مذاکرهلرنینگ واسطهچیلریدن حسابلنهدی، استانبول شهریده اوچینچی باسقیچ مذاکرهلر نتیجهسیز توگهشیدن سۉنگ کابل و اسلامآباد اورتهسیده آتیش کېسین و دیپلماتیک مذاکرهلر دوام ایتیشی گه تأکیدلشماقده.
ایران تشقی ایشلر وزیری سیدعباس عراقچی، منطقهدهگی جاری وضعیتدن خواطر بیلدیریب افغانستان و پاکستان اورتهسیده مذاکرهلر دوام ایتیشیگه تأکیدلهگن.
استانبول اوچینچی باسقیچ مذاکرهلری اوتگن هفته پنجشنبه و جمعه (۱۵ و ۱۶-عقرب) کونلری تورکیهده اۉتکزیلدی، ایکی تاماننینگ هېچ قندهی کیلیشووسیزلیگی بیلن یکونلندی؛ پاکستان بو نتیجهسیزلیکنی کابلنینگ پاکستان طالبلر تحریکی (تیتیپی)نی یوق قیلیش اوچون کتبی وعده بیرمسلیک اتهگن.
اسلام امیرلیگی، استانبول مذاکرهلریگه مناسبت بیلدیریب ایتیشیچه، پاکستان هیئتینینگ مسئولیتسیزلیگی بو مذاکرهلر نتیجهسیز توگهشیگه سبب بولگن.
سیاسی بیلرمانلرنینگ فکریچه، استانبول مذاکرهلرینینگ نتیجهسیزلیگی یکونلنیشی حقیدهگی ایکی تاماننینگ تورلیچه تلقینی افغانستان و پاکستان اورتهسیدهگی خوفسیزلیک بوییچه کیلیشماوچیلیکلر گه باریب تقیلهدی.
خلقارا سیاست تدقیقات استادی مطیعالله آرینپور، سلاموطندار بیلن صحبتده، افغانستان و پاکستان اورتهسیده کېنگ مقیاسدهگی ایشانچسیزلیک و خوفسیزلیک قیینچلیکلر دیپلماتیک مذاکرهلر نتیجهسیز یکونلنیشی گه آلیب کیلگنینی ایتهدی. او شوندهی دیېدی: «افغانستان و پاکستان اورتهسیدهگی مذاکرهلرنینگ موفقیتسیز بولیشی اساساً چقور ایشانچسیزلیک، خوفسیزلیک بوییچه کیلیشماوچیلیکلر و چېگره تهدیدلریگه نسبتن مسئولیتنی تلقین قیلیشدهگی قرهمه-قرشی فکرلردن کیلیب چیققن. پاکستان تهدیدلرنی نظارت قیلیش بوییچه عملی و یازمه مجبوریتنی طلب قیلماقده، اسلام امیرلیگی اېسه پاکستاننینگ خطی-حرکتلرینی همکارلیک قیلمهیدیگن و ارهلشووچی دیب تعریفلهیدی.»
بیلیم یورت استادی حبیبالله جعفری، اوشبو مذاکرهلرنینگ موفقیتسیز بولیشینینگ اساسی سببینی پاکستاننینگ بیر تامانلمه قراریده دیب حسابلهیدی و تیتیپی نی افغانستان گه کوچیریش طلبی خلقارا مناسبتلرده موجود قاعدهلر بیلن ضدیت گه ایگه اېکنلیگینی تأکیدلهیدی.
اونینگ ایتیشیچه: «پاکستان مذاکرهلرده دایما بیر تامانلمه حکم چیقرهدی و هېچ قچان ایکی دولتنینگ عمومی منفعتلرینی ایزلمهگن. او اسلام امیرلیگیدن تیتیپی نی افغانستان گه اوتکزهمیز دیب طلب قیلهدی – یعنی جوده ناقانونی، منطقسیز و عاقلانه بولمهگن طلب، دیپلماتیک مناسبتلر آدابیده هېچ قندهی اورین یوق. بو کبی طلبلر مذاکرهلرنینگ ثمره بیرمسلیگی گه آلیب کیلهدی.»
استانبول شهریده افغانستان و پاکستان اورتهسیدهگی اوچینچی باسقیچ مذاکرهلر، دوحه ییغیلیشی دوامیده تورکیهده اۉتکزیلدی، اسلام امیرلیگی و پاکستان هیئتلری اورتهسیده نیچه مرته مذاکرهلر، هېچ قندهی کیلیشووسیز یکونلندی، منطقه مملکتلری اېسه بو مذاکرهلر دوام ایتیشیگه تأکیدلهماقده، بیراق افغانستان و پاکستاننینگ بوتوغریدهگی فکر-ملاحظهسی فرقلی دیر.
