بیلیم یورتنی بیتیرگنیدن اونچه وقت اوتمهگن، بیراق رنگ، نقاشلیک برسی و کمپیوترنی آلیب ایشگه باشلهگن. او کونده بیر قطار تابلونی برس و رنگ بیلن نقاشلیک قیلهدی و وقتیدن بیر بولیمینی ایسه انیمیشن توزهتیش یا-ده دیجیتالی نقاشلیک بیلن اوتکزهدی.
کابل بیلیم یورتیده خبرچیلیک بولیمینی بیتیرگن ۲۵ یاشر انجیلا گلستانی، بو بولیمده ایشلش گه قیزیققنی بیلن، بیراق افغانستان ییتکرمهلریده ایشلش فضاسینینگ کیچیکراق بولگنی اوچون سوزلرینی نقاشلیک و انیمیشن آرقهلی بیان قیلیشگه حرکت قیلگن. «خبرچیلیک بولیمیده تحصیل قیلگنیم اوچون بو بولیمده ایش قیله آلمهدیم، کیین دیجیتال صناعتیگه یوز کیلتیردیم.»
اونینگ پاکستان ده حیات کیچیریشیدن آلتی آی بولگن و او بو مدتده صناعت گه سیغینیب و حیات قیینچیلیکلریدن اوزاقلش مقصد سعیوحرکت قیلماقده.
بیزلرنینگ فیسبوک صحیفهمیزگه باش اورینگ!
انجیلا، ایشیدن کوپ قطارینینگ اجتماعی ترماقلرگه ترقهتیشینی بیان قیلیب و ایتیشیچه، مخاطبلری تامانیدن مثبت فکرلر آلهدی.
اجتماعی ترماقلرده انجیلانینگ فعالیتی، اونینگ بو صناعت آرقهلی درآمد قولگه کیلتیریشیگه یول آچگن. او اجتماعی ترماقلر آرقهلی اهالیدن بویورتمه قولگه کیلتیرهدی.
انجیلا نقاشلیک و انیمیشین توزهتیشنی اوزی تمرین قیلیب و یوتیوبده اورگتووچی برنامهلرنی کوریش آرقهلی اورگنگن. «بو صناعتنی اوزیم ایشلهب اورگندیم. اورگنیش اوچون هیچ بیر ییرگه بارگنیم یوق و یوتیوبده تعلیمی ویدیولرنی کورهر ایدیم.»
گلستانینینگ کوپهیتیریشیچه، نقاشلیک قیلگن اثرلریده کوپراق خاتین-قیزلر، قشاقلیک و بعضا طبیعتنی صورت گه چیقرهدی. «کوپینچه قیینچیلیک بیلن روپهره بولگن افغانستانلیک خاتین-قیزلر اینیقسه مکتب باریشدن محروم قالگن و ایشسیز عیاللر سیسی بولیشنی ایستهیمن که باشقه مملکتلر اهالیسی بیلسین که افغانستانلیک عیاللر قیسی قیینچیلیکلر بیلن روپهره دیر.»
بیزلرنینگ «ایکس» ترماغی ده هم تعقیب قیلینگ!
انجیلا حاضرگچه ییتی ته انیمیشن و ۲۰ دن آرتیق دیجیتال نقاشلیک اثرگه ایگه دیر. اونگه کوره، بو یول آرقهلی عیاللر و قیزلر حیاتینی کورستماقچین.
انجیلا، خام مادهلر کملیگی و اونینگ خرهجتی یوقاریلیگی همده اثرلرینینگ ساتیلمسلیگینی، ایشی توغریسیدهگی اونملی قیینچیلیکلردن دیهدی. «مادهلر کملیگی بیلن روپهره ایدیم، رنگ ساتیب آلیش ایستهگنیمده اونینگ مادهلری قیمت ایدی. تابلولرنینگ ساتیلیش بازاری یوق. دیجیتال بولیمیده هر قنچه اوسکونهلر زمانهوی بولسه، اوشنچه ایش یخشیراق بولهدی.»
انجیلا، بیر کونی دیجیتالی صناعتنینگ بیلیم یورتده مسلکی شکلده اورگهنیب و بو بولیمده کوپراق رواجلنیشنی آرزو قیلهدی.
