سودان مرکزیده جایلشگن بیر مسجد ده دران هجومی عاقبتیده اوچ باله قربان بولگن و ۱۳ کیشی یرهلنگن.
ییتکرمهلرنینگ معلوماتیگه کوره، بو هجوم ۲۲ دلو/۱۱ فبروری، چهارشنبه کونی تیزکار قوللب-قوتلش کوچلر تامانیدن اویوشتیریلگن.
معلوماتلر اساسیده، بالهلر شمالی کردفان ایالتیده قرآن اورگنهیاتگن پیتده، مسجد نشانگه آلینگن.
تیزکار قوللب-قوتلش کوچلری، باشقه مذهبی بنالر جملهدن خارطومده بیر کلیسا و الفاشرده بیر مسجد نشانگه آلینگنی ایتیلگن.
بیرلشگن ملتلر تشکیلاتینینگ معلوماتلریگه کوره، جنوری آخرلریدن ۶ فبروری گه قدر، ۹۰ دن آرتیق تینچ اهالی دران هجوملریده اولیب و ۱۴۲ نفر یرهلنگن؛ بو هجوملر تیزکار قوللب-قوتلش کوچلر و سودان قورالی کوچلری تامانیدن اویوشتیریلگن.
سودان ایچکی اوروشی میلادی ۲۰۲۳ ییل اپریل آییده باشلندی و اونینگ نتیجهسیده حاضرگچه مینگلب کیشی اولیب و میلیونلرچه کیشی آواره بولگن.
