تورکیه جمهور باشلیغی رجب طیب اردوغان تورکی دولت‌لر تشکیلاتی گه اعضا دولت‌لر رهبرلری ییغیلیشیده اشتراک ایتیش اوچون سمرقند گه ییتیب کیلدی.
اوزبیکستان جمهور باشلیغی مطبوعات دفتری گه کوره، هوا قونالغه عالی مرتبه‌لی مهماننی مملکت باش وزیری عبدالله عارف‌اوف کوتیب آلگن.
بوگون اوزبیکستان جمهور باشلیغی نینگ تورکیه رهبری بیلن اوچره‌شووی ریجه‌لشتیریلگن.
بیزلرنینگ فیسبوک صحیفه‌میزگه باش اورینگ!
آلدینراق تورکی دولت‌لر رهبرلریدن قطاری اوزبیکستان نینگ سمرقند شهری گه ییتیب کیلگن ایدیلر.
بوگون ۱۹ و ایرته ۲۰ عقرب، اوزبیکستان نینگ سمرقند شهری ده تورکی دولت‌لر تشکیلاتی گه اعضا اولکه‌لر رهبرلری نینگ ییغیلیشی اوتکزیلیشی کوتیله‌دی.
اوزبیکستان جمهور باشلیغی شوکت میرضیایف تورکمنستان خلق کینگشی جمهوررئیسی قربان قُلی بیردی، تورکیه دولت رهبری رجب طیب اردوغان، آذربایجان جمهوررئیسی الهام علی‌اوف، قزاقستان جمهوررئیسی قاسم جومرت توقی‌اوف، قیرغیزستان جمهوررئیسی صدیر جعفراوف رئیس‌لیگیده‌گی تدبیرده اشتراک ایته‌دی.
بیزلرنینگ توییترده هم تعقیب قیلینگ!
تورکی دولت‌لر رهبرلری نینگ ییغیلیشیده اقتصادیات، سودا، سرمایه یاتقیزیش، ترانسپورت و باشقه ساحه‌لرده اوز ارا منفعتلی و کوپ تامانلمه همکارلیکنی ینه ده رواجلنتیریش، تشکیلات فعالیتینی تکاملشتیریش مسئله‌لری اوستیگه بحث ایتیلیشی کوتیله‌دی.
